|
Germaniyede Siyasi Panaliq Tilep turiwatan Diniy Zat Abitjan Mehmut, Xitay
Türmiside Yetiwatqan Oqughuchisi Ablipiz Abdurehimning Hayatidin Qattiq
Endishe Qiliwatqanliqini Bayan Qildi
 Öz xewirimiz: Nöwette Germaniyede Siyasi Panahliq tilep turiwatqan yash
diniy zatlirimizdin Abitjan Damollam ( Abitjan Mehmut ), Sherqiy Türkistan
Enformatsiyon Merkizi > ge bergen melumatida, 5 yildin köpirek waqittin
buyan Xitayning qarangghu zindanlirida azap chekiwatqan yash diniy zat we
özining biwaste oqughuchisi Ablipiz Abdurehimning hayatidin qattiq endishe
tuyuwatqanliqini bayan qildi we Xelqaraliq kishilik hoqoq teshkilatlirini,
bigunah halda 13 yilliq qamaq jazasigha höküm qilinip türmide yerimjan halda
yetiwatqan Ablipiz Abdurehimning hayatini qutquzup qélishqa chaqirdi.
Abitjan Damollam, weten ichide tonulghan yash diniy zatlirimizning biri
bolup, 90 – yili yüz bergen < Barin Dehqanlar qozghilingi > ning rehbiri
Zeynidin Yüsüpmu unungdin diniy terbiye alghan oqughuchilirining biri idi.
Abitjanning bildürishiche, Ablipiz Abdurehim, Qeshqer Yéngisher nahiyisidiki
Barin yézisining ( wetende ikki yézining ismi Barin, biri Ulughchat
nahiyiside ) 16 – kenit 2 – mehelliside olturushluq bolup, 1997 – yili Xitay
hökümiti uni < Abitjan Mehmutning eng chong shagirti, Abitjan mehmut uni
Partilitishta qollunilidighan kapsul bilen teminligen > digen töhmetni
chaplap qolgha alghan. Xitay saqchiliri uni türmide qattiq qiyin – qistaqqa
élip, < Abitjandin partilitish kapsuli aldim > dep yalghan iqrarname
yezishqa qistighan we qiynash jeryanida urup unung ikki putini sundurup
palech qilip qoyghan.
2001 – yili 3 – ayning 13 – küni Xitay sot mehkimisi yepiq sot échip, uni
hechbir délil – ispatsizla < Bölgünchi > digen qalpaqni keygüzüp, 13 yilliq
muddetlik qamaq jazasigha höküm qilghan. Hazir u Ürümchi shehridiki Bajiahu
1 – türmisining 7 – etret 9 – guruppisida yérimjan halette yatmaqta.
Ablipiz Abdurehimning besh qerindishi, Ayali we bir oghul, ikki qiz 3
perzenti öz yézisida perishanchiliq ichide yashawatqan bolup, Xitay
dayirliri ularni Ablipiz Abdurehim bilen bir qetimmu körüshtürmigen, shunga
ular Ablipizning aqiwitidin tolimu endishe qilmaqta.
Sherqiy Türkistan Informatsiyon Merkizi, Ablipiz Abdurehimning ehwalidin
pütün xelqaraliq teshkilatlarni xewerlendürüshke tirishidighanliqini
bildürdi.
|
