Xitay Hökümiti Pakistandiki Uyghurlar Üstidin Shikayet Qildi

2006.06.26 RFA

Pakistandiki Xitay bash elchixanisi, Sherqiy Türkistan islamiy herikiti ezalirining Pakistandiki Xitay diplomatlirini élip qéchishni pilanlighanliqini bildürdi.

Pakistanda chiqidighan déli taymis gézitining xewer qilishiche, Pakistandiki Xitay diplomatliri, Pakistan tashqi ishlar ministirliqigha bir xet ewetip, Sherqiy Türkistan islamiy herikitining bezi ezalirining Xitay diplomatlirini élip qéchish pilanini emelge ashurush üchün Pakistangha kelgenlikini bildürgen.

Xitay diplomatlirining éytishiche, Sherqiy Türkistan islamiy herikiti ezaliri Pakistandiki Xitay diplomatlirini élip qéchishni afghanistanning jalalabad shehiride ötküzgen bir yéghin jeryanida qarar qilghan bolup, elqaide qatarliq térrorluq teshkilatlirining ezaliri bu pilanning emelge ishishida Sherqiy Türkistan islami herikitige yardem béridiken.

Pakistanning déli taymis gézitining bildürüshiche, Pakistandiki Xitay diplomatliri Pakistan hökümitidin Xitayning islamabadiki bash elchixanisi we karachi shehiridiki Xitay konsolxanisi etrapidiki bixeterlik tedbirlirini kücheytishini telep qilghan.

Xewerde éytilishiche, Xitay diplomatlirining telipige asasen bixeterlik tedbirlirini kücheytken Pakistan ichki shlar ministirliqi, Pakistanning tört ölkisi we paytext islamabadtiki saqchi qisimlirigha bu rayonlardiki Sherqiy Türkistan islamiy herikiti ezalirini tutup, qamash üchün keng kölemlik tazilash herikiti élip bérip, heriketning netijisi heqqide minstirliqqa tizdin bir doklat sunush toghrisida buyruq chüshürgen. (Qanat).