Shiwetsiyede Xitaygha Qarshi Namayish

Dunya Uyghur qurultiyining 2 - qétimliq jiddi chaqiriqigha binaen bügün Shiwétsiye Uyghur Komititining teshkillishi bilen shiwetsiyediki Xitay Elchixanisining aldida chong kölemlik namayish ötküzüldi

Bu namayishqa Shiwetsiyediki Uyghurlardin 100 ge yéqin adem qatnashti. Namayishchilar qollirida Rabiye animizning Xitaylar göröge alghan perzentlirining resimliri bilen alahide yasalghan taxtaylarni kötürüp, Xitay elchixanisining aldida herxil shu'arlarni towlap, Xitay da'irilirining insan qélipidin chiqqan yawayi qilmishlirini we insan heqlirini ayaq-asti qilghan öktemliklirini eyiplep, qattiq naraziliqini bildürdi.

Namayish 2 saat dawam qildi we namayishtin kéyin namayishchilar wekilliri Xitay elchihanisigha étiraznamisini tapshurdi.

Étiraznamini tapshurush jeryani nahayiti dramatik boldi: Wekiller del elchixanining aldigha kelgende Xitay elchixanisining bash elchisi oltarghan mashina derwaza aldigha keldi, bu pursetni ghenimet bilgen wekiller bash elchining mashinisini toriwaldi we mashinining aldi eynikige ay yulduzluq kök bayraqni yapti we buningdin hoduqup ketken Xitay nime qilarini bilmey ganggirap qaldi. Dilshat Reshit Shiwetsiye Uyghur Komititi teyyarlighan naraziliq xéti we toplighan imzalarni mashinida oltarghan bash elchige tenglidi. Lékin bash elchi hetni élishqa juret qilalmay mashinining eynikini derhal itip, elchixana ichige qéchip kirip ketti. Kéyin wekiller bu xetni elchihanining hetsanduqigha tiqiwetti! Namayish tügüdi emma Shiwetsiye Uyghur komititining hataygha qarshi pa'aliyetliri we imza toplash kompaniyesi dawamlishidu…

Shiwétsiye Uyghur Komititi

2006-6-23.