< Sherqiy Türkistan Informatsiyon Merkizi > ning Pirezidenti Abduljelil Qaraqash Ependi Bilgiyede

Öz xewirimiz: 6 – ayning 4 – küni, ETIC ning pirezidenti Abduljelil Qaraqash ependi, Merkizi Germaniyening Köln shehridiki < Yawropa Islam Jama’éti Teshkilati > ning tekliwige asasen, mezkur teshkilat teripidin Bilgiyede uyushturulghan < Qérindashliq Qurultiyi > gha qatnashti.

Bilgiyening Ariyana tenberbiye meydanida ötküzülgen bu qétimqi qurultaygha, < Yawropa Islam Jama’éti Teshkilati > ning Yawropadiki herqaysi dölettin kelgen wekilliri we Bilgiyediki ezaliridin bolup jem’i 50 mingdin artuq kishi qatnashti.

< Yawropa islam jama’iti teshkilati >, yawropadiki eng chong islam jama’éti teshkilati bolup, < Sherqiy Türkistan informatsiyon merkizi > uzun yillardin buyan bu teshkilat bilen dostluq we yéqin hemkarliq munasiwiti ornutup, ular bilen izchil türde alaqe qilip kelmekte.

ETIC pirezidenti Abduljelil Qaraqash ependi yighin jeryanida mezkur teshkilatning asasliq mes'ulliri we herqaysi döletlerdin kelgen wekilliri bilen ayrim – ayrim körüshüp, ulargha Sherqiy Türkistanning yéqinqi omomiy weziyiti we Uyghur mus'ulmanlirining hazirqi échinishliq haliti heqqide étirapliq melumat berdi we yighin wekillirige, mexsus Xitay hakimiyitining Sherqiy Türkistan musulmanlirigha qarita yürgüziwatqan zulum we bésim siyasetliri bayan qilinghan teshwiqat waraqlirini tarqitip berdi.