|
Germaniyede < ETIC – Uyghur Tetqiqat Merkizi > Quruldi
5 – ayning 20 – küni, Germaniyediki bir qisim Uyghur ziyalilirining
teshebbusi we < Sherqiy Türkistan informatsiyon merkizi > ning pirezidenti
Abduljelil Qaraqash ependining maqullishi bilen, < ETIC – Uyghur Tetqiqat
Merkizi > Germaniyening München shehride quruldi.
Uyghur tetqiqat merkizining démokratik usulda saylap chiqilghan rehberlik
hey’iti töwendikilerdin ibaret:
Reis: Perhat Yorungqash (jornalist we yazghuchi )
Muawin reis: Tursun Muhammad ( tarihchi )
Bash katip we bayanatchi: Ümit Agahi ( pidagok )
Neshriyat mudiri: Küresh Atihan ( neshriyatchi, yazghuchi)
Terjime – tehrir ishliri mudiri : Enwer Ahmet (
jornalist),
Terjime – tehrir ishliri mudir yardemchisi: Aliye Zeper (oqutquchi
we terjiman)
Dini tetqiqat ishliri mudiri: Abidjan Mahmud (diniy zad)
< ETIC – Uyghur Tetqiqat Merkizi > ning asasliq wezipisi:
Sherqiy Türkistanning tarixi, siyasi, iqtisadi, medini – ma'arip, diniy we
bashqa türlük saheliride systimiliq tetqiqat élip bérip, bu jehetlerdiki
mehsus ilmiy doklat, eser, biografiye we yilnamilerni … hazirlash;
Weten ichide ashkare neshir qilish imkaniyiti bolmighan we terjime qilinishi
cheklen'gen, chet'ellik we Uyghur tarixchi, yazghuchi, tetqiqatchi,
mutehesis, sha'ir, edip we paylasoflarning Sherqiy Türkistan we Uyghurlar
heqqide yazghan eserlirini terjime we neshir qilip tarqitish;
Milliy musteqillik herikiti bilen shughulliniwatqan barliq uyghur
teshkilatlirini we türlük helqaraliq kishilik hoquq teshkilatlirini, sherqiy
türkistan we Uyghurlarning omumiy weziyiti, uyghurlarning kishilik hoquq
mesilisige da’ir delil – ispatliq ilmiy doklatlar bilen teminleshtin ibaret;
< ETIC – Uyghur Tetqiqat Merkizi > özige zörür kereklik bolghan arhip,
matiryallarni toplash we retlesh basquchini tamamlap, 5 – ayning 20 –
künidin etibaren resmi tetqiqat hizmitini bashlidi.
< ETIC – Uyghur Tetqiqat Merkizi > héchbir siyasiy teshkilatqa
beqinmaydighan musteqil tetqiqat orgini bolup, pütün Uyghur teshkilatliri
bilen ohshash musape ichide yéqindin hemkarlishidu. .
|
