Uyghur Aptonom Rayonluq Xelq Qurultiyi Yighini Mezgilide Bixeterlik Kücheytildi

2006.01.18 RFA

Sherqiy Türkistan uchur merkizining bildürishiche, Uyghur aptonom rayonluq 10‏-nöwetlik xelq qurultiyining 4‏-yighini mezgilde hökümet Ürümchidiki bixeterlik tedbirlirini kücheytken hemde ürümchige kélip erz qilghuchilarning yolini tosash üchün ürümchi shehirige kiridighan her qaysi yol éghizlirigha charlash saqchilirini qoyghan.

Sherqiy Türkistan uchur merkizining bayanatigha qarighanda, yighin mezgilide hökümet dairiliri köp miqdardiki saqchilarni, ürümchidiki her qaysi hökümet organliri we yighin échiliwatqan xelq sariyining etraplirigha orunlashturghan hemde bezilirini ürümchi shehirige kiridighan her qaysi asasliq yollarni charlash we tekshürüsh ishlirigha qoyghan.

Gérmaniyidiki Sherqiy Türkistan uchur merkizi bayanatchisining bildürishiche, Uyghur élining her qaysi jayliridiki j x idariliri yene saqchilarni, yighin mezgilide ürümchige erz sunushqa bérish ehwalini tekshürüshke ajratqan. Nawada bingtüen we Uyghurlarning kolliktip erz qilish ehwali bayqilip qalsa, saqchilarning ularni derhal qolgha élish hoquqi bolidiken.

Xitay dairiliri her qétimliq yighin mezgilide bixeterlik tedbirlirini alahide kücheytidighan bolup, hetta ürümchidiki uyghurlar köp olturaqlashqan rayonlargha nechche mashina qoralliq saqchilarni orunlashturidu. (Peride)