Xinjiangda Eghir Jinayetchiler Bilen Turme Saqchiliri Otturisida Toqunush Yuz Berip Jemiyet Amanliqigha Yoshurun Xewp Elip Kelmekte

Taiwan merkizi Axbarat agentliqining muxbiri Lin Yuguoning 12-ayning 29-küni Xianggangdin bergen xewirige qarighanda, Sherqiy Türkistan axbarat merkizi shu küni Beijing dairilirini eghir jinayetchilerni Xinjiang’gha iwertmeslikke chaqirghan. Chünki jinayi ishlar jinayetchilirining köpiyip ketishi Xinjiangdiki xitay we Uyghurlargha oxshashla xewp elip kelidighan bolup, jemiyetke yoshurun ziddiyet urughini chachidiken.

Sherqiy Türkistan axbarat merkizi bayanatchisining bildurushiche, yeqinqi yillardin beri Xinjiangdiki turmilerge iwertilgen eghir jinayetchiler kop qetim turme saqchiliri bilen qattiq toqunush peyda qilghan bolup, 50 nechche neper turme saqchisining ölüshini kelturup chiqarghan, xitay dairiliri yeqinda bir milyon yuen xelq puli ajritip olgen turme saqchilirining aile-tawabatigha nepiqe berip ularning konglini aram tapquzghan.

Bayanatchining xitay dairilirining matiriyalliridin igellishiche, Xinjiangning amanliqi eghir derijide yamanliship ketken bolup, bu yil ichide qolgha 2000 kg partlatquch dora, pilik, pistan, mina, giranat qatarliq küchlük qoral-yaraqni qolgha chüshürgen.

Bayanatchi xitay dairilirining pilanliq halda eghir jinayetchilerni iwertish qilmishigha epsuslinidighanliqini, eghir jinayetchilerning koplep Xinjiang’gha iwertilishining Uyghur puqralarghila emes, xitay puqralirighimu ziyan-zexmet elip kelidighanliqini bildurdi.

Sherqiy Türkistan axbarat merkizi bayanatchisi siyasi söhbet usuli arqiliq xitay bilen bolghan talash-tartishni hel qilishni ümit qilidighanliqini tekitlidi, u öz dolitini qurushni ümit qilidighanliqini, andin xitay bilen dostane munasiwette ching turushni ümit qilidighanliqinimu tekitlidi.

(Ertekin Terjime qildi)