|
Xitay teşwiqatliri, <
Xinjiangning siyasi weziyiti muqim, jemiyet amanliqi
pewquladde yahşi > dep boluşiğa teşwiq yürgüziwatqan şu
künlerde, Xitay kommunistik partiyesi merkizi komutiti
siyasi birosining dayimi ezasi, Xitay merkizi intizam
tekşürüş komutitining baş sekritari Wu Guan Zhengning
Şerqiy Türkistanğa qilğan ziyariti jeryanida arqa
arqidin 3 qétim qestke uçriğanliqi sewebidin ziyaret
künini qisqartip, aldirap tenep Beijingğa qéçip
bériwalğanliqi otturiğa çiqti.
Çeteldiki Xitayçe < Boxun > agentliqi teripidin elan
qilinğan we Chiu Shen ependi teripidin qelemge élinğan
tepsili xewerde bayan qilinişiçe, buyil 6 ayning
otturlirida, Xitay kommunistik partiyesi merkizi
komutiti siyasi birosining dayimi ezasi, Xitay merkizi
intizam tekşürüş komutitining baş sekritari Wu Guan
Zheng Merkizi komutitqa, Xitay ministirlar kabentiğa
wakaliten Şerqiy Türkistanning partiye hökümet
qurulişi hizmiti, milliy we diniy xizmet, iqtisadi
quruluş tereqqiyat hizmiti we jemiyet amanliqi xizmitini
tekşürüş üçün mexsus herbiy ayrupilan bilen yétip kelgen,
Xitay herbiy işlar komutiti qomandanliq şitabi qoğdaş
bölümi teripidin uningğa qoşumçe ikki herbiy tikuçar
ayrupilan we alahide saqçi qisimliri qoşup bérilgen.
Gerçe uning bu qétimqi sepiri nahayiti mehpiy tutulğan
bolsimu, yenila birqançe qétimliq bombiliq qestleş
hadisisige duç kelgen.
Wu Güen Zheng eslide Ürümçi, Korla, Aqsu, Qeşqer, Ğulja,
Ürümçi, Turpan, Qumul qatarliq jaylarni ziyaret qilip
Beijingğa qaytişni pilanliğan.
Wu Guan Zheng Qeşqerğe kelgen küni Qeşqer partiye
mektibide doklat bérişni pilanliğan, emma u mektepke
kélişke birqançe minut qalğanda, uninğga hemra bolup
kelgen alahide saqçilar we yerlik saqçilar yiğin
bolidiğan meydanda tekşürüş élip bériş arqiliq, doklat
bérilidiğan zalning éliktirini başquridiğan öyning
buzğunçiliqqa uçriğanliqini, eger tokni yandurğan haman,
éliktir simlirining bir birige mas bolup, derhal
partilap ot apiti yüz béridiğan bir weziyetke toğrilap
qoyğanliqini bayqiğan. Buningğa asasen, Wu Guan
Zhengning doklat bérişi emeldin qaldurulup, tunju
zerbidin qurtulup qalğan.
Ikkinçi qétimliq qestleş weqesi méhmanxanida yüz bergen,
alahide saqçilar Wu Guan Zheng çüşken Qeşqerdiki ali
méhmanxanida alahide zapçaslar bilen inçikilep tekşürüş
élip bériş arqiliq, mehmanhaning zalidiki bir gül
teştikining içidin serengge qepidek çongluqtiki bir
bombini bayqiğan, tekşürüş netijiside, bu bombining 3
kilogiram éğirliqtiki partilatquç doridek tesir
körsüteleydiğan alahide bolba ikenliki, eger partiliğan
teqdirge, pütün mehmanhanini weyran qiliweteleydiğanliqi
bayqalğan, şunga Wu Guan Zheng derhalla Qeşqerdiki
herbiy méhmanhaniğa qeçip bériwalğan web u méhmanhanida
Qeşqerning yerlik diniy we milliy zatlirini qobul qilğan.
3 qétimliq qestleş hadisisi ğuljida yüz bergen.
Pilan boyiçe Wu Guan Zheng ayrupilan bilen Qeşqerdin
Ğuljiğa uçup barğan. Şu küni çüştin kéyin saet 4 bilen 7
ariliqida tuyuqsizla Ğulja ayriduromidiki barliq
ayrupilanlarning uçuş qonuşi toxtutulğan, Wu Güen
Zheng ayrupilandin çüşey dep turuşiğa, uni qoğdaydiğan
amanliq guruppisi, < Şerqiy Türkistan radikal bölgünçi
küçliri ayrudurumda işleydiğan xadimlarning arisiğa
kiriwaptu, ular rehbirimiz kelgende benzin qaçilanğan
maşina bilen üssüp partilitişni pilanlaptu > digen
xewerni alğan, şunga Wu Guan Zheng ikki saetkiçe
ayrupilanidin çüşüşke jüret qilalmay olturğan, Wu Guan
Zheng ayrupilandin çüşüp şeherge seper qiliştin 30 minut
burun, saqçilar aldin uning maşinisi ötidiğan yolda
tekşürüş élip barğan, qarisa, ayrudurumdin şeherge
qayrilidiğan yolning doqmuşida yol yasaşta işlitilidiğan
bir quruluş maşinisi turğan iken, saqçilar bérip gep
sorap bolğiçe maşinida olturğan kişi maşinini
partilatqan, partilaş zerbisidin hetta 6 7 métir
yiraqliqtiki saqçi qarawulluq ponkitimu weyran bolğan,
maqalida peqetla şopurning ölgenliki tilğa élinip, başqa
ölüm yétimlar heqqide melumat bérilmigen. Saqçi terep
bu maşinini, < mexsus Wu Guan Zhengğa qest qiliş üçün
qurulğan qiltaq > dep höküm çiqarğan.
Qorqup ketken Wu Guan Zheng, ğuljidiki mehmanhaniğa
çüşüşke jüret qilalmay, < Ili herbiy rayoni > ning
mehmanhanisiğa çüşken wes hu künki paaliyetlirini
emeldin qaldurup, Turpan we Qumullarğa bériştinmu waz
kéçip, 6 ayning 15 küni derhal Beijingğa qarap
tikiwetken.
Şu künlerde çetellerde sayahet qiliwatgqan Xitay baş
ministiri Hu Jing Tao bu xewerni anglap qattiq çöçigen
we Wu Guan Zhengning amanliqini qoğdaş, xelqarağa tesir
qilidiğan zor weqelerning aldini éliş heqqide herbiy we
saqçi organliriğa jiddi buyruq çüşürgen.
Weqedin kéyin, Xitay herbiy işlar komutiti qomandanliq
şitabi qoğdaş bölümi, Jamaet xewipsizlik ministirliki,
Len Ju herbiy rayoni, Xinjiang herbiy rayoni qoğdaş
bölümining hadimliridin terkip tapqan < 15 iyon
dilosini éniqlaş mexsus guruppisi > ni qurup çiqqan we
tekşürüş arqiliq bezi gumanliq kişilerni qolğa alğan.
Hökümet bu diloning harektirini, < siyasi tüsni alğan,
çegra sirtidiki küçler teripidin teşkillengen
buzğunçiliq we qestleş dilosi > dep békiken.
Emma yene başqa xewerlerge qariğanda bu, yuquri
derijilik partiye, hökümet, saqçi rehberlirinin teşkil
harektirlik öç éliş weqesi bolup, ilgiri xataliq ötküzüp
xizmitidin heydelgen we jaza yigen bezi yuquri derijilik
partiye, hökümet we saqçi emeldarliri til biriktürüp
guroh teşkillep, bu öç éliş herikitini élip barğan. |
|
