Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

8 ) SIEMENS Zhongguogha Salidighan Meblighini Ashurmaqçi, Germaniyediki Ishçilarning Xizmiti Tehditke Uçridi

ETIC Alimjan München din universal xewer qilidu. Germaniye SIEMENS fermisi heptining birinji küni (17-may) Shanghai de Zhongguogha téximu ilgirligen halda meblegh salidighanlighini yeni 1Mrd. € meblegh sélip kelgüsi 3 yildin 5 yilghiçe Zhongguodiki mal setish sommisini bir qatlaydighanlighidek nishanini élan qildi. Bu Germaniyede xizmetçi qisqartishni keltürip çiqirishi mumkin shunga Germaniyediki ishçilar endishe qilmaqta. Bash fermisi München de bolghan SIEMENS fermisining Zhongguogha meblegh sélish tarixini sürishtirsek 100 yilgha baridu. Heptining birinji küni SIEMENS fermisi Zhongguodiki ish bejirish ornida ötküzgen 100 yilliq tebriklesh paaliyitide, bu „ qimmet yaritish we ösüsh „ digen témidiki istiratigiyisini élan qildi. Bu 12 türni öz içige alghan konkiritni çarige asaslinip SIEMENS fermisi kelgüside Zhongghuodiki ish bejirish orunlirining sanini hazirqi 28 din 60 qa ashurmaqçi, shuning bilen SIEMENS tori Zhongguoning pütün ölke rayonlirini qaplap, SIEMENS ning Zhongguogha bolghan singish küçi ashudiken. SIEMENS ning bashlighi Heinrich v. Pierer munularni bildürdi: SIEMENS üçün Zhongguo Amerika we Germaniyedin qalsa 3- çong bazar. SIEMENS mehsulatlirining Zhongguodiki setilish sommisi nöwette 4 Mrd. € dur. Nöwette SIEMENS ning Zhongguoda qurghan karxaniliri 45 , xizmetçiliri 30000 bolup Zhongguodiki xizmetçiliri eng köp çetel karxanisi bolup hisaplinidu. Lekin bu bir qatar meblegh sélishlar Germaniye tuprighidiki xizmetçilerning xizmet ornigha tehdit bolup ularni endishige salmaqta, Heinrich v. Pierer bundaq ish bolmaydu digen bolsimu.

©UÇQUN-KIVILCIM - 22.05.2004 15:38  Hazirliğuçi: A. Qaraqaş