|
ETIC universal xewiri
Alimjan, Fransiye axbarat agentlighi 5-may Ottawa xewiri:
Beijing hökümitining Tibet xelqini ezgenligi toghrisida
éniq ispatlar bolghaçqa, Kanada parlamenti bügün
Zhongguo insan heqliri doklatigha qarita tekshürüshni
çong kölemde bashliwetti. Bu tekshürüsh guwaliq
yighinlirini Kanada awam palatasi insan heqliri gruppisi
komititining reisi Hon. David Kilgour élip bardi. U
burun içki kabinent ezasi bolup, Kanada bilen Asiya Ténç
okyan rayonlirining munasiwitini bir terep qilishqa
mesul idi. U Kanada insan heqliri herketçisi Roy ning
sözini neqil keltürüp mundaq didi: herqandaq insan
heqlirige tajawuz qilinish mesillirige sükit qilishqa
bolmaydu; bolupmu Tibettiki irqiy we medinyet
yoqitishini keltürüp çiqiridighan qilmishlargha téximu
sükit qilishqa bolmaydu, kim bulargha qoshulmastu? Bügün
ötküzilgen guwaliq yighinining waqti del Tibet rohani
dahisi Dalay Lamaning bu yerdiki 3 heptilik ziyaritini
ayaqlashturup mangidighan waqtigha toghra keldi uning bu
qétimliq ziyaritige Beijing qattiq naraziliq bildürüp,
besim ishletken idi. Kanada Tibetni himaye qilish
komititining reisi Thubten Samdup guwaliq yighinida
bularni bildürdi: Tibetlikler Kanadaning adil
kélishtürgüçi salahiti bilen Zhongguoliqlarning u
yerdiki insan heqlirini depsende qilidighan
qilmishlirini tosishini ümit qilidu. U awam palatadiki
komititta mundaq didi: Tibetning nöwettiki weziyiti
nahayiti eghir, bizning artuqçe küçimiz yoq yene on yil
15 yil kütidighan, bezi ishlarni hazirla qilish kérek. |
