Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Uygurlar Bir Pexirlik Oğlanidin Waqitsiz Arildi

Doktur Abdulqadir Taş 4 ayning 4 – küni yekşembe wepat boldi, 5 – april duşebe Mekke mukerreme heremde jinazi namizi çürüşülüp mekkidiki muella qebristanliqiğa qoyuldi.
Undin bashqa Doktur Abdulqadir Taşning teziye murasimiğa Saudi Radio Televizyon we Axbarat sahesidin yuqur dejilik erbaplar we Turkistanliqlardin bolup 1000 din artuq adem qatnashti.

Doktur Abdulqadir Taş 1951-yili Şerqiy Türkistanning Hoten şehridin Saudi Erebistanning Tä’if şehrige köçüp kelgen, Taş hajim ailiside dunyağa kelgen. U 1975-yili Riyad şehiridiki Imam-Muhemmet Ibn Saud Uniwersitetining Ereb edebiyet fakultetida Bakalawir ünwaniğa érişken. Merhum 1980-yili Amerika Oklahoma Uniwersitetining axbaratçiliq fakultétida axbarat sahesi boyiçe Magistrliq ünwaniğa, 1983-yili yene Amerika Jenubiy Élinoy Uniwersitetida Dokturluq ilmiy ünwaniğa érişken. Merhum 1983-yilidin 1990-yiliğiçe Imam Uniwersitetining axbarat fakultetida deris bergen. 1990-yilidin başlap „Ed-de’we“ jornilining muawin baş tehriri we baş tehrirlik wezipilirini ötügen. 1990-yildin 1995-yilğiçe „El muşkilun” namliq Islam dunyasiğa wekillik qilidiğan, heptilik gézitning baş tehrirlik wezipisini, 1995-yildin 1998-yiliğiçe „Ereb-news“ namliq Englisçe gézitning baş muherrirlik wezipilirini ötügen. 2000-yili “El Alimul Islami” namliq diniy jornalning tunji layihesini otturiğa qoyğan, hem özi tehrirlik wezipisini ötügen. 2001-yildin 2002-yiliğiçe Dunya Islam Birligi teşkilati ammewiy munasiwet we axbarat idarisining mudirliq wezipisini öteş bilen birge, „Islam Dunyasi“ namliq heptilik gézitning we „Elbilad“ namliq kündilik gézitning baş tehrirlik wezipisini ötügen. 2001-yildin ta wapatiğa qeder axbarat we meslehet idarisining reislik we ijraiye mudirilik wezipilirini ötügen.

Uning axbarat saheside ötügen qoşumçe wezipiliri: 1974-yildin 1976- yiliğiçe Riyad radiosi bilen hemkarlişip, programma teyyarlaş, anglitiş xizmiti, 1979-yildin 1982-yiliğiçe Şimaliy Amerika Ereb Musulman Yaşliri Birligi neşir qilinidiğan „El aman“ namliq jornalning baş tehrirlik wezipisini ötügen. Uningdin başqa Saudi Erebistan we başqa Ereb döletliride neşir qilinidiğan Ottura Şerq, El Ehram, El Jezire, El muşkilun, El Mujtema, Ed de’we, El Yamamen, El-hej? axbarat we uçur namliq gézitlerde özining ismidin maqale élan qilip kelgen. Undin başqa u 1995-yilidin ta 2000-yiliğiçe El Medine géziti bergen „Nur tamçisi“ mawzusida dawamliq maqaliler élan qilip kelgen. 1994-yildin 1998-yilğiçe “Ereb-news” gézitide Engiliz tilida üzlüksiz maqale yézip kelgen. 1986-yildin 1990-yilğiçe Saudi Erebistan televizionining bir qanilida we Iqra televizion qanilida, uningdin başqa Ereb we çet elning neççe onliğan qanallirida her xil temilar boyiçe muhim mezmunlarda jiddiy munazire we söhbetlerge qatnaşqan.
2004 yili – Kiral fatning imzasi bilen Saudi Erebistan kishilik huquq teshkilatining ezsi bolghan.

U yene neççe onliğan magistirliq we dokturluq dissertatsiyelerge yétekçilik qilğan. 20 din artuq dölette neççe yüz qétim Ereb döletliri we xelq'ara sewiyésidiki kon'gresslarğa qatnaşqan. Merhum Ereb axbarat jemiyitining ezasi, dunya Islam birligi télim-terbiye komitétining qurğuçi ezalirining biri. Saudi Erebistan ilmiy tetqiqat idarisining mejlis ezasi, Mekke Mukerrime ma'arip mejlisining daimi ezasi, Jidde şehiri kengeş işliri mejlişining ezasi, Saudi Erebistan kişilik hoquq ilmiy jemiyitining mejlis ezasi idi. Bügün Saudi Erebistanda doktur Abdulqadir Taşning wapat boluş munasiwiti bilen Islam dunyasi özining qimmetlik perzenti doktur Abdulqadir Taştin ayrildi.

Undin başqa doktur Abdulqadir Taş Şerqiy Türkistan mesilisigimu yéqindin köngül bölgen bolup, 1992-yili 12-ayda Istanbulda ötküzülgen Şerqiy Türkistan Milliy Qurulteyiğa qatnaşqan. 1998-yili 12-ayning 12-15-künliri Enqerede ötküzülgen, 2-nöwetlik Dunya Uygur Yaşlar Qurulteyiğa qatnaşqan.

Merhum Abdulqadir Taş yene 1984-yildin 1997-yilğiçe Ereb döletliride çiqidiğan nopuzluq gézit-jurnallarda Şerqiy Türkistan heqqide neşir qilinğan meşhur yazğuçilarning maqalilirini toplap, 1999-yili Misirda „Şerqiy Türkistan we uning unutulğan xéliqliri“ digen mawzuda bir kitap neşir qilğan. Uning yene başqa nurğun yazğan kitaplirimu bar. Uning rohiğa Allahdin rehmet tileymiz.

©UÇQUN-KIVILCIM - 17/04/2004 09:30 Hazirliğuçi: A. Qaraqaş