|
Öz xewirimiz: < Tianshan
tori >, Sherqiy Türkistanda Xitay hökümiti teripidin
bashquruliwatqan eng asasliq teshwiqat orgini bolup, bu
organ < Aptonom Rayonluq Partikom > teripidin biwaste
nazaret qilinidu we hökümetning eng ishenchlik köz
quliqi we kaniyidin ibaret.
Mezkur tor Rusche, Uyghurche, Xitayche, Engilizche we
Qazaqche 5 xil tilda bolup, her küni ottura hisap bilen
ikki milyon kishi ziyaret qilidu.
Yéqinda < Tianshan tori > tehrir bölümi, mezkur torda
elan qilinghan 120 mingdin artuq xewer maqale üstidin
bahalash élip bérip, töwendiki 10 xewerni, < 2006
yilidiki 10 chong xewer > dep elan qilghan. Bu xewerler
arqiliq, kommunist Xitay hakimiyitining teshwiqat
jehettiki tüp siyasitini bayqiwélish tes emes, Bularning
temisi töwendikiche:
1. Hu Jin Tao Xinjiangda
xizmetlerni közdin kechürdi
2. Aptonom Rayonluq 7 nöwetlik partiye wekiller
qurultiyi chaqirildi
3. Zhungguo Qazaqistan nefit turbisi omomiy leniye
boyiche nefit aqquzushqa bashlidi
4. Xinjiangda 5 milyon yuanlik chong mukapat, pen
texnikida alahide töhpe yaratqan 5 neper kishige bérildi
5. Qadirning künlük xatirisi Xinjiangni tesirlendürdi
6. Ottura asiya rayoni iqtisadi hemkarliqi boyiche 5
qétimliq ministirlar yighini chaqirildi
7. Ot öchürüsh qehrimani Wie Hong Wenning baturlarche
qurban bolushi, milyonlighan sheher puxrasini yashqa
boghdi
8. Xinjiangda bir qatar mediniyet almashturush
paaliyetliri arqiliq, Mediniyet jehettiki küch namayen
qilindi
9. Xinjiangda Asiya boyiche eng chong Denizawur qalduqi
bayqaldi
10. Ürümchide 70 saet omomiy yüzlük tok toxtash weqesi
yüz berdi
Yuqarqi 10 chong xewerning 5 chiside tilgha élinghan
Qadir Baqi, eslide Kuchar nahiyesidiki bir qizilpachaq
déhqan bolup, unung yazghan künlük xatiriside,
Uyghurlarni Xitay xelq azatliq armiyesini himaye qilish,
ularni söyüsh, asrash we kompartiyege mutleq yosunda boy
sunush terghip qilinghan bolup, ötkende Xitayning Döwlet
reyisi Hu jintao Sherqiy Türkistanni ziyaret qilghanda,
bu qizilpachaq bilen körüshken we ammini unungdin
ögünüshke chaqirghan idi. |
|
