Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Germaniye Bu Yildin Étibaren Yawropa Birlikining Reyisi

Öz xewirimiz: Germaniyening buyil 1 – ayning 1 – künidin étibaren Yawropa birlikining reyisi bolushi bilen, Germaniyening < tömür ayal > dep atalghan bash ministiri Merkel xanimning zimmisidiki siyasi yük téximu eghirlidi.

Buyil 1 – ayning 1 – küni Romaniye we Bulghariyening Yawropa birlikige kirishi bilen, birlikke eza döwletlerning sani 27 ge yetti.

Nöwette Yawropa Birlikining reyisi Germaniye duch kéliwatqan eng jiddi mesililerning biri – Yawropa birlikining asasi qanuni bolup, birlikke eza döwletler ichide birlikning asasi qanunigha nisbeten oxshimighan qarashlar mewjut. Bundin bir yérim yil burun Firansiye we Polsha hökümetliri Yawropa birlikining asasi qanuni heqqide xelqning rayini sinash élip barghanda, bu ikki döwlet xelqliri birlikning asasi qanunini ret qilghan idi.

Germaniyening bash ministiri Merkel xanim birlikke eza döwletlerning rehberliri ichide alahide inawetke ige bolup, unung birlikke eza döwletlerning hech birini chong – kichik dimey hemmisige oxshash mu’amile qilishi, birlikke eza döwletlerni söyündürüp kelmekte.

Kishilik hoqoq mesiliside sezgür bolghan Merkel xanimning Xitaygha qaratqan siyasitimu germaniyening ilgiriki hökümetlirige qarighanda qattiq bolup, Xitay rehberliri bilen bolghan muzakirilerge Kishilik hoqoq mesilisini dadilliq bilen otturigha qoyup kelgen idi.

Germaniyening Yawropa Birlikining reyislikini tapshuruwélishi, Germaniyeni merkez qilghan Yawrop birlikidiki Uyghur teshkilatlirinimu söyündürdi.
Nöwette Yawropa Birlikige eza 10 din artuq döwlette Uyghur jama’etliri bar bolup, bu döwletlerning hemmiside digüdek qanunluq Uyghur teshkilatliri mewjut. 

©UÇQUN-KIVILCIM - 05.01.2007 00:10  Hazirliğuçi: A. Qaraqaş