Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Sherqiy Türkistanning Jemiyet Amanliqini Qalaymiqan Qiliwatqanlar Kimler ?

Xitay hakimiyiti özining barliq ichki – tashqi teshwiqatlirida, Sherqiy Türkistanning muqimliqigha, amanliqigha ziyan séliwatqanlarning atalmish < Milliy bölgünchiler > ikenlikini tekitlep kelmekte. Xitay hakimiyitining < Milliy bölgünchiler > digini, del ene shu özining heq – hoqoqlirini we xelqining öz teqdirini özi belgilesh hoqoqini telep qiliwatqan Uyghur xelqidin ibaret.

Emma, riyalliqqa qaraydighan bolsaq, Sherqiy Türkistanning muqimliqigha we amanliqigha tehdit séliwatqanlarning, del Xitay hakimiyiti we bu hakimiyetni qollap kéliwatqan Xitay köchmenliridin ibaret ikenlikini körüwélish tes emes.
Mesilen, yéqinda Ürümchi sheherlik Saqchi idarisi, < 2006 – yili yüz bergen 10 chong dilo > ni elan qilghan bolup, bu dilolarning hemmisi qatilliq, bulangchiliq diloliridin ibaret, bu 10 chong diloning ichide peqetla Ürümchi qassapxanisida < mushtumzorluq > dilosini hisapqa almighanda, qalghan dilolarning hemmisini Xitay köchmenliri sadir qilghan bolup, bu jinayetchilerning qilmishliri intayin wehshi we qebih bolghan.

Ürümchidila emes, Sherqiy Türkistanning bashqa rayonliridimu Qatilliq we bulangchiliq dilolirini sadir qiliwatqanlarmu yene pütünley digüdek Xitay köchmenliridin ibaret.

Xitay qanun tarmaqliri Uyghurlar bilen Xitay köchmenlirige qarita ikki xil ölchem qollunup kelgechke, Xitay jinayetchilerning xoriki barghansiri eship ketken. 

©UÇQUN-KIVILCIM - 04.01.2007 22:42  Hazirliğuçi: A. Qaraqaş