Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

9 ) Yawropa Birliki: < Xitay 5 yildin Buyan Wediside Turmaywatidu ! >

Germaniye metbu’atlirining xewiride körsütülishiche, yéqinda Yawropa Birliki Soda ishliri Komiseri Mandelson Xitayni, < Xitay hökümiti 5 yildin buyan bizge bergen wedisini emelge ashuralmidi, Bilim we Patent hoqoqigha hörmet qilmidi, bashqilarning mehsulatlirini zor miqdarsa teqlit qilip yasap, Yawropaning soda jehettiki riqabet küchige éghir ziyan saldi > dep ayipligen.

Mezkur xewerde körsütülishiche, ötken yili Yawropa birliki teripidin tamojnilarda qolgha chüshürülgen saxte tawarlarning yérimi digüdek Xitaydin kirgüzülgen bolup, kéyinki 10 yil ichide Xitaydin qolgha chüshürülgen saxte mallarning miqdari 10 hesse ashqan web u seweptin Xitay Yawropa shirketlirini 1 milyard euro ziyangha uchratqan.

Xitayning saxte malliri sana’et mehsulatliri bilenla cheklinip qalmastin, hetta yimek – ichmek, hamidarliq xaltisi we dora – dermeklergiche kengeygen bolup, miqdari intayin yuquri iken.

Yuqarqi xewerde, gerche Xitayning Dunya soda teshkilatigha eza bolup kirginige 5 yildin ashqan bolsimu, emma eyni chaghda bergen wedilirining hech birini emelge ashurmighanliqi, Bilimge we mehsulatlarning patent qoqoqigha qarshi qanuniy jehettin jiddi tedbir qollanmighanliqi üchün, Xitay karxanilirining yéngi mehsulat üchün öz aldigha bash qaturmay, bashqilarning teyyar mehsulatlirini dorap yasashni adetke aylanduruwalghanli tekitlengen.    

©UÇQUN-KIVILCIM - 10.11.2006 18:47  Hazirliğuçi: A. Qaraqaş