|
BDT ning doklatida
körsütülishiche, keler yili Dunyada sheher noposi yeza
noposidin eship kétidiken.
Yéza noposining sheherlerge éqishigha egiship nöwette
dunyadiki köpligen chong sheherlerde namratlar rayonliri
shekillengen we bu rayonlarda kichikkine bir eghiz öyde
pütün ayile kishiliri qistiliship hayat kechüridighan
menzire shekillengen.
Yézilarda yashash imkaniyiti qalmighini üchün, ish
tepish we güzel bir hayatqa ige bolush arzusi bilen
sheherlerge köchüp kelgen déhqanlar sheherlerde téximu
beter künge qalghan. Nöwette texminen 1 milyard kishi
chong sheherlerdiki namratlar rayonida yashaydiken web u
namratlar rayonining turmush esliheliri intayin nachar
iken.
Sheher noposining eshishide Xitay bilen Hindistanning
roli chong bolghan.
Xitayni élip éytsaq, peqetla Xitayning Guang Zhou, Shen
Zhen we Shang Gangning özidila 48 milyon kishi bar bolup,
bularning ichidiki 21 milyoni herketchan kishiler iken.
Sherqiy Türkistanni élip éytsaq, kéyinki yillarda yerlik
déhqan – charwichilarning sheherlerge köchüsh süritimu
alahide tez bolmaqta. Bügün Ürümchige qaraydighan
bolsingiz, hemmila kochisida hammalliq, medikarliq we
yaymichiliq qilip yürgen Uyghur yétimchilirini
uchritalaysiz. Ularning öz yurt – makanlirini tashlap
sheherlerge hayatliq yoli izdep kélishige, Xitay
hakimiyitining yerlik déhqan – charwichilargha qaratqan
derijidin tashqiri baj we alwang – yasaqliri we
shundaqla iqtisadi jehettiki türlük adaletsiz siyasiti
biwaste sewepchi bolup kelmekte. |
