Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

1) Xitay Düshmini Nancy Pelosi Amérika Temsilchiler Mejlisining Tunji Ayal Reyisi

Uzun yillardin buyan Xitayning kishilik hoqoq mesilisige yéqindin köngül bölüp kelgen we Xitayning kishilik hoqoq tajawuzchiliq qilmishlirini izchil türde qattiq eyiplep kelgen démokrat Nancy Pelosi xanimning Amérika temsilchiler mejlisining reyislikige saylinishi, Xitay hakimiyitini endishige salghan bolsa, Sherqiy Türkistan, Tibet, Mongghul we démokratik Xitay teshkilatlirini alahide söyündürdi. Ular Pelosi xanimdin kishilik hoqoq mesiliside Xitaygha tutup kelgen qattiq pozitsiyesini dawamlashturushni umid qilmaqta.

Amérikining bu qétimqi kichik kölemlik kongre saylimida, öktichi démokrat partiyesi 12 yildin kéyin tunji qétim Amérika temsilchiler mejlisi ( awam palatasi ) de köp sanliq orunni igellidi we temsilchiler mejlisining démokrat partiyesige mensup ezasi Nancy Pelosi xanim mejlis reyisi bolup saylandi.

Undin bashqa yene Demokratlardin Keith Ellison ependimu saylamda ghelibe qilip, Amérika parlamentining tunji mosulman ezasi boldi.

Kishilik hoqoq mesiliside uzundin buyan Xitayning béshini aghritip kelgen Pelosi xanim, Amérika parlamentigha 5 qétim eza bolup saylanghan Italiye nesillik Tommy Alesandro ependining qizi bolup, 66 yashliq Pelosi xanim 2002 – yili Amérika parlamentigha eza bolup kirgen.  

©UÇQUN-KIVILCIM - 10.11.2006 18:19  Hazirliğuçi: A. Qaraqaş