Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Xitayda Turushluq Chet’el Muxpirliri, Xitay Hökümitining Öktemlikidin Shikayetchi

< Germaniye Dolqunliri > radiosining xewer qilishiche, Xitayda turushluq chetel muxpirliri Xitay hökümitining özlirige qaratqan qattiq siyasitidin intayin narazi bolup, ularning inkas qilishiche, ular hemishe hökümet dayirlirining tutqun qilishigha, nazaret qilishigha uchrap turidiken, hetta bezi muxpirlar pat – pat tayaq yep turidiken.

Gerche Xıtaz hökümiti, 2008 – yili ötküzülidighan Olimpik tenherket yighinini közde tutup, Xitayda turushluq chetel muxpirlirining sharayitini yaxshilaydighanliqigha dayir wedilerni bergen bolsimu, emma bu jehette héchbir emiliy qedem basmighan.

Mezkur xewerde körsütülishiche, Bei Jingda turushluq < chetellik muxpirlar kulubi >, Xitayda axbarat erkinliki barmu ? digen tema üstide, Xitayda turiwatqan 210 neper chetellik muxpir arisida mexsus tekshürüsh élip barghan, bu muxpirlar 21 dölettin kelgen bolup, bularning ichide 70 muxpirling ziyankeshlikke uchrash weqesi körülgen, yene 30 muxpir hökümetning tekshürishige uchrighan. 10 neper muxpir tayaq yigen, muxpirlar retlep chiqqan 21 tekshürüsh matiriyali musadire qilinghan yaki yoqutulghan, bezi muxpirlar soraq jeryanida qip yalingach qilinip urulghan.

Mesilen, Firansiye Radio istansisining bir muxpiri melum bir yezida chiqqan topilangni xewer qilish üchün ziyaret qilip barghanda, bashqilarning toplushup ur – ur qilishigha uchrighan, saqchilarmu ajratmay tamasha körgen.

Xelqaraliq < chegra ayrimighan muxpirlar teshkilati > ningmu 167 dölet üstidin chiqarghan axbarat erkinliki ehwali toghrisidiki tizimliktimu Xitay 159 orunda bolup, Xitayda peqet ötken yilila 30 neper axbarat xadimi we internet torida öz pikirlirini bayan qilghan demokratik qarashtiki 62 neper kishi qolgha élinghan.  

©UÇQUN-KIVILCIM - 14.08.2006 21:50  Hazirliğuçi: A. Qaraqaş