Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Bay Nahiyesidiki Yeza – Kentlerning Köpünchisi Hökümetke Qerzdar

Öz xewirimiz: Gerche Xıtaz hökümiti kéyinki yillardin buyan < yéza iqtisadini kücheytip, déhqanlarning turmush sewiyesini yuquri kötürüsh > digen sho’arni kötürüp chiqip, bu jehette keng kölemde teshwiqat élip bériwatqan bolsimu, emma Sherqiy Türkistanning yéza – qilshlaqlirida hazir mewjut bolup turiwatqan bezi riyalliqlar, Xitay hökümitining peqet yezilarda sotsiyalistik siyasi telim – terbiyegila ehmiyet bérip, iqtisadi jehette héch bir qedem basmighanliqini, yerlikler toplushup olturaqlashqan köpligen yéza – kentlerning hazirmu hem hökümetke gedengiche qerz bolup, namratliq ichide turiwatqanliqini körsütüp turmaqta.

Mesılen, < Xinjiang geziti > ning 8 – ayning 14 – künidiki sanida élan qilinghan bir xewerde körsütülishiche, Aqsu nahiyesining Baynahiyesige qarashliq 174 kentning ghezniside bir tiyinning yoqluqi we bu kentlik hökümetlerning yuqurigha bolghan omomiy qerzining 84 milyon 620 ming yuange yetkenliki, bularning ichide qerzi 300 ming yuandin ashidighan kentlerning sanining omomiy kentlerning yérimidin köpirekini teshkil qilidighanliqi körsütülgen.

ETIC ning wetendin biwaste igellishiche, hökümet teripidin her yili yéza asasi qatlamlirigha iwetiliwatqan atalmish < iqtisas igiliri > ning hemmisila héch bir alahidiliki yoq partiwiyilik kadirlar bolup, ularning asasliq wezipisi, déhqanlar arisida kommunizim teshwiqati élip bérish we yéza – qishlaqlarda kompartiyedin we hökümettin narazi bolghuchilarni, shundaqla milliy we diniy tuyghuliri küchlük insanlarni eniqlap chiqip, buni yuqurigha melum qilishtin ibaret iken.. .

©UÇQUN-KIVILCIM - 14.08.2006 20:12  Hazirliğuçi: A. Qaraqaş