Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Soghat

Kökte Künnur Yerde Uygur, Quyash Tughumdur Dilimda Ghorur
- Oghuzhan

     1) Biz Uyghurlar 17 ming yildin artuq dölet qurush tarixigha égé Ariyan tipidiki qedimiy bir millet. Türkler, Ezerbeyjanlar, Özbekler, Türkmenler, Kashkaylar, Tatarlar, Qazaqlar, Qirghizlar we tilimizning yene bashqa diyalekit hem shiwilirida sözlishidighan goruppilar Uyghur nesillik xelqler bolupla qalmay, bügünki German, Un’gar (Wén’gir), Bulghar, Pin, Ukrayin, Irland, Iran xelqliriningmu tomirida Uyghurning qéni örkeshlep turidu.
Biz ége chaqisiz, kélip chiqishi éniq bolmighan, tarixi üzük hem qisqa shundaqla qérindashliri bolmighan bir yétim millet emes.

    2) Biz Uyghurlar dunyada eng deslepte yéziq qollan’ghan, metbee, qeghez, rex, tömür, miltiq dorisi, kariz, chaq qatarliqlarni keship qilghan, 3 ming yildin artuq sheherlishish medeniyitige égé özimizge xas diniy étiqat, senet, pelesepe enenisige ége bir qedimi millet. Biz özimizning yuqarqidek bir qatar ewzelliklirimiz bilen insaniyet tarixida qedimqi eng yüksek medeniyet dep qaralghan, qedimqi Misir medeniyiti, Babilun medeniyiti, Hindi medeniyiti, Merkizi Asiya medeniyiti, Xitay medeniyiti, Gerik medeniyiti, Maya medeniyiti qatarliqlargha asas salduq.

    3) Biz Uyghurlar parlaq we yüksek medeniyitimiz bilen 40 ming yil awal Mu döli, 17 ming yil awal Asiya-Yawropa Uyghur Imparatorluqi, 10 ming yil awal Asiya-Yawropa Uyghur kompedratsioni, 7 ming yil awal Qaraxan Iparatorluqi, 5 ming yil awal 10 Uyghur 9 oghuz komfediratsioni, 2 ming 500 we 2 ming yillar awal Büyük Asiya Hun Imparatorluqi, Büyük Yawropa Hun Iparatorluqi, 1 ming 500 yil awal, Aqhun Imparatorluqi, Köktürk Iparatorluqi, 1 ming 200 yillar awal Uyghur Imparatorluqi, ming yillar awal ( Uyghur Qaraxanlar döliti, Quchu Uyghur döliti, Kengsay Uyghur döliti qatarliq 3 küchlük döletni özichige alghan) IDIQUT UYGHUR EMPARATORLUQI qatarliq küchlük Iparatorluqlarni we Chaghatay Uyghur döliti, Seidiye Uyghur döliti, Qeshqeriye qatarliq döletlerni, we yéqinqi yillarda Sherqiy Türkistan Islam Jumhuriyiti, Sherqiy Türkistan Jumhuriyti we bügünki Amerikida qurulghan Uyghur hökümiti qatarliq hökümet we teshkilatlarni qurghan, tarixning éghir sinaqlirigha berdashliq béreleydighan we bérip kéliwatqan bir millet.

    4) Bilinip turiwatidü soruqchuliqimiz, azapliq künlirimiz, xaniweyranchiliqimiz uzaqqa soziliwermeydu. Yoqalmighanliqimiz bir möjize, dunyada düshmini bizningkidek küchlük, bizdek beshigha éghir kün kelgen yene bir millet yoq, Allahning bir mexsidi bar, qan yashlirimiz bilen pakliniwatimiz, chéniqiwatimiz, özimizge, özlükimizge kéliwatimiz.
Biz yoqalmasliqimiz kérek, qénimizdiki ésil érsiy üstünlük haman bir küni wolqandek partilaydu. Xeq hoquqlirimiz qolimizgha qayitidu. Qanlar éqiwermeydü qumdek soruliwermeymiz, xorluniwermeymiz, pakliniwatimiz, Merkiziy Asiyada biz qurmaqni istigen bir dölet bar, u bolsimu Uyghuristan.

     5) Bir dölet medeniyet, din, kapital qatarliqlarni perwish qilidighan, özini özi idare qilalaydighan étnik guruppilargha nésip bolidu. Özini özi idare qilalmaydighan chuwalchaq xelqler san jehettin qanche üstün bolsimü jughrapiywi jehettin qanche paydiliq sharaitqa ége bolsimü qanche köp paydiliq pursetlerge ége bolghan bolsimu bashqilarning xorlishigha uchraydu.

Dawami yenebirsanda.    

©UÇQUN-KIVILCIM - 12.08.2005 15:42  Hazirliğuçi: A. Qaraqaş