|
ETIC Oguz xewer qilidu,
merkiziy axbarat agentlighi Taipei 10-sentebir telegirammisi: Zhongguo yimeklikler sanaiti
uyushmisining bashlighi Wangwenzhe bularni körsetken:
Zhongguo yimeklikler sanaiti ixtisadi yuquri sürette
eshiwatqan bolsimu lekin 5 xil tosalghugha duç kelmekte.
1) Yimeklik süpitining bixeterligi endishilik bolmaqta.
Maydiki Chüyang süt parashogi weqesi yimeklik sanaiti
sahesidiki ishlepçiqirish, abarot we nazaret tekshürüsh
jehettiki ajizliqlarni ashkarlidi.
2) Énirgiye we transport jehetlerdiki jiddiçilik
yimeklik sanaitining normal tereqiyatigha tesir qilmaqta.
bir qisim jaylardiki yimeklik karxaniliri eliktir
enirgiyesining qislighidin ishlepçiqirishi kamlap ketken
bu yimeklik ishlepçiqirilishning normallighigha tesir
körsetken.
3) Qoshumçe tem kirgüzgiçi eshyalarning bahasi örlep
ketip, yimeklik sanaitining payda körüsh nisbitini
töwenlitiwetken. Ashliq, shiker gösh qatarliq ishlepçiqirish eshyalirining bahasining örlep ketishi
nurghun qiyinçiliqlarni elip kelgen. Bu seweptin nurghun
fabrikilar ishlepçiqirish tennerqini töwenlitish üçün
saxtiliq qilishqa bashlighan.
4) Yimeklik sanaiti qurulmisi eqilgha muwapiq emes,
eshyalarni bir terep qilish usuli addi bolup, zil we inçike
ishlepçiqirish usuli bek az xelqning arzu
qilidighan yimeklik türliri yetishmeydu.
5) Import-exportta mesile mewjut. Zhongguoning nöwettiki
exportida pishshiqlap ishlenmigen we yerim ishlengen
yimekliklerning salmighi zor bolup inçike pishshiqlap ishlengen yimeklik nahayiti az. Mehsulat süpiti we
texnika sewebidin bir qisim gösh we qush
mehsulatlirining exporti tosalghugha uçrawatidu. |
|
