|
The Epoç Times maqalisi,
ETIC terjime-tehrir bölimidin Oghuz teyyarlighan.
Dunya ixtisadi omomyüzlik çökiwatqan lekin Zhongguo ixtisadi ösiwatqan bu
yüzeki sharaitta nurghun meblegh
salghuçilar Zhongguodiki meblighini ashurwatidu hetta
Zhongguoluq bolmaqçi boliwatidu. Herqandaq meblegh
sélishning xetiri bolidu, Zhongguodiki bu xeterlerni
qandaq bahalash kerek? töwende bir qançe tereptin bu
xeterlerni tonushturimiz.
Uçurlarning ashkariliq derijisi: Beijing hökimitining
medialarni nazaret we bashqurishi ezeldin qattiq bolup,
içki we tashqi medialargha mexsus adem orunlashturup
nazaret qilidu hetta bashqurush qatlimigha ademlirini
suqundurup kirgüzwetidu. Zhongguo hökimitige paydisiz
gep sözlerni elan qilghan bolsila yaki biaram qilip
qoysa undaqta Zhongguo hökimitining qara tizimligige
çüshüp qelip Zhongguo çegrisining içige kirishi teske
toxtaydu yaki ret qilinidu. Zhongguodiki jornalislar
tarixtin buyan qattiq kontorol qilinghan we qanunning
qoghdishi bolmighan muhitta yashap kelmekte, axbarat
sensorigha, qolgha elinishqa, guna artilishqa we türmige
tashlinish xewplirige duç kelmekte. Bash orgini New
Yorktiki jornalislarni qoghdash komititi ning yeqinda
elan qilghan alahide dokladida teximu köp
jornalislarning bu yili Zhongguoda öç elish we zerbige
uçrighanlighi ashkarlanghan. Bu organning istatiska
qilishiçe nöwette Zhongguoda az digende 42 neper
jornalis sergür mesililerni elan qilghanlighi üçün
qamaqqa elinghan. Meblegh salghuçi we ixtisadshunaslar
Zhongguo hökimet terep elan qilghan istatiskiliq
melumatlarni körgende çoqum alahide diqqet qilishi lazim,
çünki Zhongguo hökimet terep maliye istatiska
matiryallirini hökimet organliri bashquridu, xelqning
payda menpetini oylashmaydu.
Qanun mukemmel emes, xiyanet-parixorluq eghir:
Zhongguoda oxshimighan sheher we ölkilerning qanungha izahet bérishi oxshash emes, soda kelishimlirining axiri
çiqishi nahayiti tes. Qanun arqiliq erz qilishning
tennerqi nahayiti zor hem qanunsiz unsurlarning üstige
elishqa tegishlik jazasi nahayiti töwen. Zhongguodiki
eniq bolmighan, muqim bolmighan, qanun boyiçe bolmighan
bu siyaset hemmidin bek meblegh salghuçilarni endishige
salidu, çünki Zhongguodiki adem amili qanun amilidin
küçlik. Her bir tijaretçi azdur köptur bolsimu munasiwet
baghlash puli çiqim qilidu. Eng çong we eng teste hel
qilishqa toghra kelidighan xeter bolsa siyaset tereptin
kelidu yeni memuri bashqurghuçilar tereptin kelidighan
xeterdur. siyasetning eniq bolmaslighi meblegh
sélishning xetirini çongiytiwetidu yeni payda
körilsimu(salghan mebleghtin) hökimet qaydilerni
özgertip we yéngilap bajni özgertish we memuri
wastilerdin paydilinip seni menpetke erishtürmeydu.
Desmaye sélip paydining kapaletke erishelmeslik
sewebidin yeqinda dunyadiki 3 çong nefit-gaz
shirkitining biri bolghan Gollandiye padishaliq Shell
shirket guruhi gheripning gazini sheriqqe yetküzish
qurulishidin çekinip çiqti, bu bir misalidur. Rand
Asiya-Tiniç Okyan istratigiye merkizining bashqani
William H. Overholt mundaq didi: xiyanet we parixorluq
soda setiqning herqaysi qatlirigha omumliship ketken,
Zhongguoda munasiwet nahayiti muhim bolsimu, lekin
buyukirat tüzilmide bezi waqitlarda hetta yaxshi
munasiwetmu seni qutqizalmaydu, eger yaxshi bolmighan
hemkarlashquçi bilen bop qalsang teximu eçinishliqtur. |
