Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

40 Neper Xitay Jenubi Afriqida Qolgha Çüshti

     Öz xewirimiz; 40 neper Zhongguoning Fujian ölkisidin kelgen er-ayal qaçqunlar, 13-awgust özgertigen Taiwan pasporti bilen Johannesburg din Braziliyening San Paolo shehrige uçmaqçi boliwatqanda jenubi Afriqa Air, Amerika köçmenler idarisi we Taiwanning jenubi Afriqida turushluq ish basqarmisidikiler teripidin qolgha élinghan. Merkiziy axbarat agentlighining xewiride munda diyilgen: bu xitay qaçqunliri 11-awgust Asiyadin Johannesburggha uçqan hem ikki kün turup qalghan hem bu birqétimdila 40 Taiwan pasporti bilen uçaq almishish zor guman qozghighan, jenubi Afriqa Air ning xizmetçiliri bu ishni Amerika köçmenler idarisige we Taiwan bashqarmisigha xewer qilghan. Munasiwetlik kishiler pasportning saxta raslighini tekshürip, bu pasportlarning heqiqilighini lékin uningdiki resim we kirish çiqish tamghilirining saxtilighini bayqighan. Bularning 27 nepiri ayal bolup, 10 nepirining yeshi 15 din 16 yashqiçe iken ular özlirining herbirsining 60 mingdin 70 mingghiçe xelq puli tapshurup bu jaygha kelgenligini iqrar qilghan. Jenubi Afriqa saqçiliri bu pewqullade deloni tekshürishke bashlighan.
Russiye RIA xewer agentlighining 11-awgust xewiride 7 neper qanunsiz xitay aqqun Russiyening yiraq sherq rayonidiki dengiz boyida qanunsiz çégridin kirgenligi üçün Russiye çégra saqçiliri teripidin qolgha élinghan. Russiye dairliri bu weqeni Zhongguo dairlirige xewer qilghan we ularni shu jaydiki köçmenler idariside waqtinçe elip qalghan.

Fransiye axbarat agentlighi 12-awgust Afina telegrammisi, Gritsiye saqçi terep bayanatçisi bularni bildürdi: 4 neper Xitay muxbiri Gritsiye Afinagha yéqin Tatoi digen jayda herbi bazilarni resimge alghanlighi üçün tekshürüp qolgha élinghan.

©UÇQUN-KIVILCIM - 27.08.2005 12:24  Hazirliğuçi: A. Qaraqaş