|
( 1969 -yili 8- ayning
23-küni Axunop bashçiliqidiki qoralliq qozghulangda
Atush ning Qarajül yézisi, Keng aral yulghunluqidiki
éqin içide düshmen teripidin shehid qilinghan Meryem-
tillarda dastan qilinishqa erziydighan bir ot yürek
batur qiz idi)
Mujahit Meryem: Qeshqerning Yéngi sheher Sawxu
meydanining ishçisi bolup milliti Tun'gan. Shehid
bolghan waqti del uning 22 yash waqti idi.
1969 -yili 8- ayning 21- küni Axunop bashçliqidiki
qoralliq qozghilang xadimliri, Qeshqer shehridiki
tutqundin qéçip, herket yönülishini Atushning Qarajul
yézisi qilip békitip urushqa atlinidu, bu urushqa
mekittiki Muhammet Imin Qadir bashçiliqidiki Zerepshan
musteqil polkimu aldin belgülengen waqit, saet 11 de
Sughun çazigha yétip kélishi buyruq qilinidu. Qeshqerdin
çiqqan qomandanliq shitabining 25 neper jengçisi del
saet 11 de Sughun çazigha yétip kélidu. Bu ishtin aldin
xewer tapqan xitayning jenubi Shinjiang herbi rayoni bir
polk eskiri bilen Muhammet Imin Qadir ning aldini tosush
üçün Sughunda paylap yatidu. Zerepshan polkidikilerning
kélishi bilen düshmen armiyisi muhasirige élip qoral
tapshurup teslim bolushqa ündeydu, qehriman zerepshan
polk jengçiliri mayor polkownik Muhammet Imin Qadirning
buyruqi bilen düshmenge ot éçip qarshiliq körsitidu,
urush uzun dawam qilidu, Axunop bashçliqidiki Qeshqerdin
çiqqan qomandanliq shitabidiki qoshun muhasirini bösüp
çiqip Atushning Qarajul yézisigha eslidiki pilan boyiçe
yürüsh qilidu.Emma Mekit qoshuni muasirini buzup
çiqalmay, köp talapet birip esirge çüshüp qalidu.Hemde
Atush shöbe herbi rayunning türmisige qamilidu.
Axunop qoshuni Qeshqerdin élip çiqqan éghir qurallirini
we mashinidiki urush eslehe, bir qisim éghir qoral-
yaraqlarni tashlap piyade (Qırghızıstan çegrisi
tereptiki)taghqa qarap çékinidu. Tagh yoli bilen ikki
kün kéçilep yol méngip belgülengen yer Qarajulning keng
aral yulghunluqigha kélip yoshurnidu.Qoshun kelgüsi
herket pilanini orunlashturup bolup dem élip
uxlawatqanda, künduz saet 2 yérim etrapida düshmenning
qoghlap kelgen 130 kishilik eskiri hangning qarshisida
kir yeyiwatqan Meryemni körüp qalidu,sezgur Meryem
derhal qoynidin tapançisini çiqirip düshmenning ikki
eskirini öltürüp Yang famililik xitay peyjangni éghir
yaridar qilidu, uxlawatqan qoshun harghinliqtin héç
nimini sezmey taki Xitay jallatlirining Meryemge qaritip
atqan 56 lik aptumatining oq awazidinla oyghunudu.
Axunop derhal buyruq qilip düshmenge oq çiqirishqa
buyruq béridu, agom!! digen buyruq bilen kelgen düshmen
eskiri keyni keynidin yer çishlep bir qismi qéçishqa
ülgüreleydu. Düshmenning tekrar 3 qitimliq hujumini
çékindürüp eng axiri keçke yéqin çümülidek yamrap kelgen
düshmenning ghaljirane hujumi astida oq tügep,
Axunopning qurban bolush sewebi bilen qumandansiz
qalghan qoshun Axunop iç aghriqida qalaymiqan oq étip
qoral yaraqliri tügeshge bashlaydu.......urushta Axunop,
Nizamidin, Meryem, Osmanjan, Xeyrulla qatarliq
mujahitlar shehid bolidu.Qalghanlarning hemmisi éghir
yaridar bolup hushsiz halda esirge élinidu.Mijit siling
eng éghir yarlinidu.
Urush axirlashqandin kéyin çidimas Xitay eskerliri ölgen
jesetlerige qarap," mu shu ayal oq çiqirip qarshliq
qilmighan bolsa hemmisini uyquluqta tirik tutattuq" dep
Meryemning qolini késip késilgen qolini yulghunning
shéhigha artidu. Merzemning qoli shu péti ésilip qalidu,
yillarning ötishi bilen uyer hazir " ésilghan qol " dep
atilip kelmekte.
Meryemning qisqiçe tarixi: Meryem Sawhu meydanidin isyan
kötürüp Qeshqer shehrige kélip hazirqi Yawaghdiki
dostluq soda sariyining eslidiki ismi bolgha Sawhu
méhman hanisigha kélip orunlushudu, Meryemning eri
Islamni 1966 - yili 11 - ayda, Xitaylar aghzigha eski
paypaq tiqip qiynap öltürwetken,érining iç aghriqigha
çidimighan Meryem koçilarda temtirep yürüp körgen
Xitayni tillaydighan bolghan. Buni sezgen teshkilat
ezaliri Meryemni yénigha tartip xizmet ishlep tedriji
halda terbiyelep, teshkilatqa qobul qilidu hemde Sawhu
ashxanisi(hazirqi östeng boyi, böshük bazirida idi)diki
Ibrahim Goshung digen ademning( teshkilat ezasi idi,
Xitaylar teripidin öltürülgen idi. Yatqan jayi jennet
bolsun) ashxanisigha ishqa orunlashturup, alaqiçilik
ishigha salidu, wetenning her qaysi yerliridin kelgen
kishiler Meryem bilen körüshüp andin Axunopqa körünetti,
kéyin xizmet ihtiyaji bilen partiyige qobul qilnip
çetel bilen alaqe baghlash bölümige yötkilip kélip
radistliq ishini qilghan.Uning ishletken radio
alaqelishish aprati 70 - yildin 75 - yighiçe pütün
Sherqiy Türkistanning sheher nahyilide körgezmige
qoyulghan, merhumning yatqan yiri jennette bolsun! amin!!!.
. |
|
