Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2 ) Ürümchide 4000 Ming Parchidin Artuq Diniy Eser Shehwane Eserler Bilen Birge Bit – Chit Qilindi

Islamiyetning eng chong düshmini hisaplanghan kommunist Xitay hakimiyiti, Sherqiy Türkistanda diniy sahege qaratqan rezil siyasitini kündin – künge kücheytip kelmekte.

Bir tereptin, saxte deplomatiye yolliri bilen Islam ellirining közini buyap ular bilen dostluq munasiwiti ornutushqa tirish’sa, yene bir tereptin Uyghur mosulmanlirigha we muqeddes Islamgha qaratqan haqaritini ashurup kelmekte.

Mesilen, Xitay hökümitining Sherqiy Türkistanda Qurani – kérim we hadislernimu öz ichige alghan muqeddes diniy eserlerni Xitayche shehwane kitap – jornallar bilen birge qoshup köydürgenliki, bu hakimiyetning Islamgha qaratqan düshmenlikini ochuqche körsütüp turmaqta.

Mesilen, < Xinjiang géziti > ning xewer qilishiche, 4 – ayning 15 – küni Xitay hökümiti Ürümchidiki Xelq meydanida, 2007 – yilliq < shehwane we qanunsiz eserlerge zerbe bérish herikiti > bashlanghandin buyan qolgha chüshürülgen 590 ming parche türlük eserler bit – chit qilinghan, bit – chit qilinghan bu eserler melum bir qeghez zawutigha teqdim qilinidiken.
Yuqarqi xewerde körsütülishiche, shu küni bit – chit qilinghan eserler ichide 4000 parchidin artuq diniy eser we 74 parche siyasi mezmondiki eser bariken.

< Aptonom rayonluq partikom teshwiqat bölümi > ning bashliqi Li Qi, shu künki < shehwane we qanunsiz eserlerni bit – chit qilish murasimi > da qilghan sözide, 2007 – yilliq < shehwane we qanunsiz eserlerge zerbe bérish herikiti > jeryanida, hökümetke qarshi mezmondiki < eskiyetchi eserler > we < diniy esebilik terghip qilinghan eserler > ge zerbe bérishni asasi nishan qilidighanliqini, bu mezmondiki eserlerning chetellerdin éqip kirishinimu qattiq chekleydighanliqini bayan qilghan..

©UÇQUN-KIVILCIM - 16.04.2007 21:25  Hazirliğuçi: A. Qaraqaş