Xitayning 100 Künlük Qattiq Zerbe Bérish Herkti Közligen Meqsitige Yitelmeydu

ETIC ning Xitay mustemlikichi hakimiyitining Sherqiy Türkistanda Uyghurlargha qarita irqi tazlash xaraktiriki atalmish qattiq zerbe bérish herkiti toghursidiki alahide bayanati

Yéqinda dunyadiki BBC, Rouyteris, Amrika awazi qatarliqi chong axparat wastiliri keyni - keynidin xewer bérip Xitay mustemlikichi hakimiyitining Sherqiy Türkistanda Uyghurlargha qarita 100 künlük qatttiq zerbe bérish herkitini qozghighanliqi toghursida maqale élan qildi. Xitay mustemlikichilirining Ürümchi 5-iyul qanliq qirghinchiliqi yüz bérip 4 ay bolghanda, qaytidin Sherqiy Türkistanda Uyghurlarni basturush üchün atalmish 100 künlük qattiq zerbe bérish herkitini qozghighanliqi toghursidiki turluk mulahiziler köpiyishke bashlighan.

Igellinishche Ürümchi sheherlik jamaert xewipsizlik idarisi bu heqte uquturush chüshürüp pütün Sherqiy Türkistaning hemme yéride umumyüzluk halda qattiq zerbe bérish herkitining élip bérildighanliqni élan qilghan. Xitay mustemlikichiliri Sherqiy Türkistanda turushluq barliq herbi we saqchi qisimlarni ishqa sélip asasliq yol bolekliri, mehmanxana, tekshürüsh ponkiti qatarliq jaylarda küchlük bixeterlik tedbirlirini qollinip, Ürümchi 5- iyul weqeside qolgha chüshmey qalghan janayet gumandarlirini qoghlap tutush, yushurun ewipning aldini élish, qalduq küchlerni tazlashni meqset qilghan. Emeliyette bolsa bigunah Uyghur xelqige qarita basturush herkitini qollunish téximu éniq qilip éytqanda Ürümchi 5- iyul weqesidin kéyin yene bir qétim Uyghurlargha qaritighan iriqi qirghinchiliq hertini élip bérip Xitay mustemlikichilirige asasiy xewip dep qarilip kéliwatqan Uyghuralrning yürikini mujushtin bashqa nerse emes.

Ürümchi 5- iyul qanliq qirghinchilirini peyda qilip, Uyghur xelqini dehshetlik qirghin qilghan Xitay jallatliri Uyghur yashlirining qénini chilashqudek ichipmu yene qanmay Uyghur xelqini üzül késil weyran qilip menggü bash kötürelmes qiliwétish meqsitide bu qétiimqi atalmish 100 künlük qattiq zerbe bérish herkitini qozghighan. Bu herket 11-ayning1-küni bashlanghan bolup, yil axirghiche dawam qildiken. Herket jeryanida gumanliq bolghanliki nuqtilarni ala qoymay tekshürüsh, shundaqla birmu jinayet gumandarini tordin qachurup qoymasliqini meqset qildiken. Buningdin Uyghur xelqining nöwette qanchilik xeterlik halette turwatqanliqni perez qilish tes emes. Pütün Sherqiy Türkistan nöwette jiddiy urush halitide turmaqta. Xitay mustemlikichi hakimiyiti on minglap biguhah Uyghurlarni sewepsiz öltürüp, qaranghu turmilerde qamap normal insan berdashliq berelmeydighan dehshetlik qiyin qistaqlargha élip, Uyghur xelqining Xitay mustemlikichilirige bolghan ghezipini hessilep ashurdi. Uyghur xelqining söz boyiche éytqanda pichaq songekke yetti. Xitay kommmunist hakimiyiti Uyghur xelqni emdi basturup, yoqutup bolushi hem shundaqla Uyghur xelqining kommunist zulumgha bolghan qarshiliq herketlirini kontirul qilalishi esla mumkin bolmighan bir ish.

Sherqiy Türkistan information merkizmining reisi Abdujélil Qariqash ependi bu heqte alahide bayanet bérip, Xitay mustemlikichi hakimiyitining Ürümchi 5- iyul qanliq qirghinchiliqi yüz bergenge 4 ay bolghan mushundaq bir peyitte yene bir qétim Uyghur xelqige qarita élip barmaqchi bolghan irqi qirghinchiliq herkitini qattiq eyiplidi. Weten ichidiki kommunist zulum we mustemlikichilik asariti astida yashwatqan xelqimizge aman esenlik tilesh bilen bir waqitta, Xitay mustemlikichi hakimiyitining zorawanliqlirigha irqi qirghinchiliqigha milliy basturush siyasitige qarshi baturane köresh qilwatqan otyürek wetenperwer yashlirimizgha janabiy Allahtin küch quwet we chidam gheyret nusret tileydu. Ishinmizki heqiqet biz Uyghur xelqi bilen bille. Xitay mustemlikichiliri bu qétimqi 100 künlük qattiq zerbe bérish herkiti arqiliq Uyghur xelqidin yeni yiraqlap, milliy öch adawetni kücheytip, téximu zor kölemlik qaranliq weqelerning yüz bérishige sewepchi bolidu, shundaqla Sherqiy Türkistani özning görige aylandurdu!