Sherqiy Türkistan Xelqi Xitay Hökümitining Mustemlikichilik Siyasitining Mahiyitini Tonup Yetti

Wetinimiz Sherqiy Türkistanda yéqinda yüz bergen weqelerde ölgen yaralan'ghanlar gerche nahayiti köp bolsimu biraq kommunist Xitay hakimiyitining uchurlarni qamal qilishi we axparat aldamchiliqi tüpeylidin köp ishlar sir halitide qalghan idi. Bolupmu “26-iyul Guangdong Shaoguan shehrride yüz bergen qanliq weqe” “5-iyul Ürümchide yüz bergen qanliq qirghinchiliq” “ 6-, 7-, 8- iyullardiki Xitaylarning qirghinchiliqi” “2-, 3-, 4- sentebir künliri yüz bergen Xitaylarning qirghinchiliqi ” qatarliq weqelerde ölgen Uyghurlarning sani qanche? Yardar bolghan Uyghurlarning sani qanche? Ürümchide yoqap ketken 10 000 Uyghur nege ketti? Ölgen bolsa ularning jesedi qéni? Tirik bolsa ular qaysi mexpiy türmilerde qamaldi? Bularning hemmsi hazir xelqining köp otturgha qoyuwatqan suali. Biraq Xitay hökümiti bu suallardin özini hedep qachurmaqta. Yeni Xitay hökümiti bu sulllargha bundaq ish mewjut emes depla jawap berdi.

Biraq heqiqet haman heqiqet. Xitay kommunist hakimiyitinig Sherqiy Türkistanda héchqandaq naheqchiliq we bésim zulum siyasiti yoq digini bilenla hemme ish shundaq bolup ketmeydu. Bu qétim Xitay mustemlikichiliri Sherqiy Türkistan paytexti Ürümchide qanliq qirghinchiliq peyda qilip minglap Uyghurlarni nahaq qirghin qilghanda pütün dunya xelqi yardemsiz tayanchisiz igisiz qalghan, qolida tömürning suniqimu bolmighan, Xitay kompartiyisi herqachan qoralliq qirghin qilip yuqutuwétish xewipide turwatqa bichare ajiz Uyghur xelqining heqiqi halini ahu zarini we kommunist zulumi astida yenjilip éghir azap oqubet tartiwatqan heqiqetni körüp yetti.

Shuning bilen bu weqege shahid bolghan Ürümchidiki Uyghurlar hem shundaqla pütün Sherqiy Türkistanning hemme yeridki Uyghurlarmu kommunist Xitayning 60 yildin buyan terghip qilip kelgen atalmish milletler ittpaqliqi hem shundaqla hemme milletler barawer erkin yashaydu digen sepsetisining pütünley bir alamchiliq ikenlikini, 60 yildin buyan kommunist Xitayning bir künmu tinim tapmay Uyghurlarni qirghin qilip yoqutush hem asmilatsiye qilip yoqutushtin ibaret rezil wastilerni ishqa sélip bu xil irqi tazlash herkitini künseri jiddiyleshtürwatqanliqini, Uyghur xelqige musteqilliqitin bashqa chiqish yoli qalmighanliqini, Uyghur xelqining erkinlik barewerlik hem démokratiyisining peqet musteqilliq yoli bilenla hel bolidighanliqididek menggülük heqiqetni heqiqiy tonup yetti.

Xitay mustemlikichiliri ilgiri hemme milletler ortaq barawer dep teshwiq qilghan bolsimu biraq bu qétim yüz bergen weqede özingizning Xitay köchmenlirige bolghan qollash yan bésish xahishini hem Uyghurlargha bolghan öchmenlik basturush depsende qilish xahishini heqiqi tunutti. Uyghur xelqi nöwette özlirining tarixtiki eng xeterlik bir basquchqa bérip qalghanliqini téximu eniqraq qilip éytqanda pichaqning songekke yetkenlikini, bu zéminda emdi Xitayning kommunist zulumigha hem milliy depsende qilish siyasitige qarshi keng kölemlik qozghulup, qoralliq qarshiliq herketliirni bashlashning tolimu zörürlikini tonup yetti. Uyghur xelqige nöwette musteqilliqtin bashqa chiqish yoli yoq. Xitay kompartiyisi Uyghur xelqige özining heq qoqini hergiz bermeydu. Xitay kompartiyisila bolidiken Sherqiy Türkistanda démokratiye barawerlik erkinlikning bolushi hergiz mumkin emes.

Sherqiy Türkistan information merkizning reisi Abdujelil Qariqash ependimu bu heqte toxtilip, Ürümchi 5-iyul weqesi gerche Sherqiy Türkistan tarixidiki eng éghir pajelik bir weqe bolsimu biraq bu weqe Sherqiy Türkistan xelqige achchiq tejirbe sawaqlarni qaldurup ketti hem shundaqla Uyghur xelqi duch kelgen rehimsiz riallqini Uyghur xelqining bu xil rehimsiz rialliq aldida peqet Xitay kommunist hakimiyitining mustemlikichilikidin qutulup chiqishning hertürlük amillarni qolgha keltürüshtin bashqa bir yolning yoqliqini körsütüp ötti. Ishinimizki xelqimizning qiyametlik düshmini we zulumkar Xitay hakimiyiti haman shermendilerche meghlup bolidu.

Weten Oghli