Shehitler Ölmidi Hem Ölmeydu

ETIC ning Ürümchide adaletsiz sot terpidin ölümge boyrulghan Uyghur qérinshlar toghursida élan qilghan alahide bayanati

Sherqiy Türkistada bu yil bir yil ichide yüz bergen weqelerge nezer saldighan bolsaq, Xitay kommunist hakimiyitining bir qatar oyunlarni nahayiti ustiliq bilen oynap chiqqanliqini chongqur hés qilalaymiz. Téxi yéqindila Xitay kommunist hakimiyiti Ürümchide “5-iyul weqesi” ge chétishliq hem shundaqla biwaste jinayiti bar dep töhmet bilen ölüm jazasi bergen atalmish Uyghur siyasi jinayetchilernig uchurghan échinishliq qismiti bu nuqtini téximu roshen délil bilen ispatlap berdi.

Xitay kommunist hakimiyiti Uyghur xelqi üstidin yürgüzüp kéliwatqan bésim we depsende qilish siyasitini izchil kücheytip kelmekte. Buninggha mas halda Sherqiy Türkistan xelqining Xitay zulimigha qarshi naraziliq we qarshiliq keypiyatimu barghanche ulghiyip, partilash halitige yetti. “Ürümchi 5-iyul weqesi ” qarimaqqa Xitayning Guangdong ölkisi Shaoguan shehride yüz bergen “26- iyul qankliq weqesi” ning tesiri bilen yüz bergendek qilsimu, biraq emeliyette Sherqiy Türkistandiki bundaq keng kölemlik narazliq namyishning partilishi muqerrer idi. Yeni bundaq bir weqening yüz bérishing shariti alliqachan piship yitilip bolghan idi. Bu Xitay mustemlikichilirigimu besh qoldek ayan idi. Shunga bundaq Uyghur xelqinig zor kölemlik qozghilanglirining yüz bérishini aldin mölcherligen Xitay mustemlikichiliri tézlikte esker we qoshon toplap, Ürümchining Uyghurlar zich topliship olturaqlishqan rayonlirigha bolghan tehdit we bésimni kücheytti.

Nurghun Uyghurlar bu rayonda keyni keynidin boliwatqan özgürüshlerdin hem kélish aldida turghan zor qirimlardin endishe qilghan idi. Bu weqe axir yüz berdi. Yeni Xitay mustemlikichilirning könglidikidek bir ish del Ürümchi shehride yüz berdi. Qan ichishke teyyar Xitay mustemlikichilirimu aldin teyyarlanghan teyyarliqlar bilen Uyghur xelqining naraziliq namyishini qanliq basturup Sherqiy Türkistan tarixida yéqinqi zaman tarixidiki yene bir chong pajeni peyda qildi. San sanaqsiz Uyghur qehriman oghul qizliri Xitay jallatliri terpidin öltürwétildi, qarangghu turmilerde qamap, mexpiy usullar bilen ziyankeshlik qildi.

Xitay kommunist hakimiyiti xelqara jemiyetning közini boyash we Uyghur xelqige heqiqi ziyankeshlikke uchurghan Uyghurlarning emeliyette nahayiti az ikenlikini bildürüsh üchün yalghandin bir sot échip , “5- iyul weqesidiki siyasiy janayetchi” lerge jaza berdi. Bérilgen jaza nahayiti éghir bolup, Xitay hökümiti arqa arqidin nurghun Uyghurlargha ölüm jazasi berdi. Buningdiki meqset, xelq ara jemiyetke Ürümchi weqeside Xitayning qanuniy jazasigha uchurghanlarning peqet nahayiti az sandiki Uyghular ikenlikini hem ulanring qanun yoli bilen jazagha tartilghanliqini hem ularnig qanun jehette barliq hoqoqlardin behriman bolghanliqini, sotning adil hem qanunluq ikenlikidin xewer bérip, xelqara jemiyetning naraziliqini bésish bolsa, yene bir jehettin, “Ürümchi 5-iyul weqesi”din kéyin Xitay kommunist hakimiyitki we mustmlikichilik siyastighe bolghan ghezep nepriti tolup tashqan Uyghur xelqighe “toxoni bughuzlap maymungha ibret bérish ” tin ibaret rezil meqsitige yitishni nishan qilghan.

Sherqiy Türkistan information merkizimiz reisimiz Abdujélil Qariqash namidin Xitay mustemlikichi hakimiyitining Sherqiy Türkistanda 60 yildin buyan Uyghur xelqige qarita yürgüzüp kéliwatqan bésim we depsende qilish hisyatini qattiq tenqid qildu shundaqla mushu yéqinda atalmish “5-iyul weqesi”ge chétishliq siyasiy mehbuslargha ölüm jazasi bérish arqiliq Uyghur xelqini qorqutush we Sherqiy Türksitan azatliq herkitige buzghunchiliq qilish meqsitige yetmekchi bolghanliqini qattiq eyipleydu.

Xitay kommunist hakimiyiti achqan sot qanunsiz. Hem shundaqla xelqara sotning ölchimige toshmaydu. Hem shundaqla Uyghur xelqnig iradisige xilap, bu sot pütünley Xitay mustemlikichiliriningg iradisige asasen échilghan. Xitay kommunist hakimiyiti atawatqan bu atalmish siyasiy jinayetchiler emeliyette Uyghur xelqning pexri, Uyghur xelqining batur qehriman ughul qizliri. Ularning nami menggü Sherqiy Türksitan xelqnig qelbide yadlindu. Xitay kommunist hakimiyiti ulargha ölüm jazasi bérip ularni shehit qilghan bolsimu biraq ular Sherqiy Türksitan xelqining qelbide menggü hayat. Uyghur xelqi özlirinig qehriman Uyghur qizliri üchün yighlimaydu. Chünki bir Uyghur weten üchün shehit bolsa yene ming Uyghur ornidin des turup ularning yolini dawam étidu. Bu muqeddes köresh ana wetinimiz Sherqiy Türkistan taki azat bolghiche bir minutmu toxtap qalmaydu.

Sherqiy Türkistan information merkizim we reisimi Abdujélil Qariqash ependi Xitay mustemlikchiliri terpidin atalmish sot échilip naheq ölümge boyrulghan we shehit qilin'ghan qehrimanlirimizning Xitay kommunist hakimiyitning tajawuzchiliqigha qarshi baturane rohigha apirin oqush bilen bir waqitta ularning ata anisigha ulugh Allahtin sebir taqet tileydu. Shehitler ölmidi we ölmeydu!