|
5 – Iyul Weqesi“Shanghai Hemkarliq Teshkilati„ni Xitay Üchün Tehimu
Muhimliqini Ilgiri Sürdi
Duowei torining xewirige qariganda Rossiye prezdenti Puttin bu qétimliq
Xitaydiki ziyaritini axirlashturghandin kéyin munularni
ashkarilidi:“Zhongguo bolsa nahayiti jahil sözlishish obyekti.
Ikki terep herbir mesile üstide talash – tartish qildi, emma bu qétim
Moskiwa Cherjizof bazirigha munasiwetlik mesililer üstide munazire élip
barmidi„ shuning bilen bir waqitta, tehlilchiler 5 – iyul weqesi“Shanghai
hemkarliq teshkilati„ni Xitay üchün téximu muhim qiliwetti dep körsetti.
“Shanghai hemkarliq teshkilati„gha eza döletlerning bashliqliri yighini
charshenbe küni Beijingda yépildi. Bu qétimqi yighinda eza döletler birlikte
iqtisadiy kirizisqa taqabil turush, shundaqla zeher etkeschiliri bilen
atalmish“Üchi hil küchler„ni yoqitishni tekitlidi.
Russiye musteqilliq gézitining xewiridin qarighanda, “Üchi xil küch“lerni
yoqitish hazir Xitay üchün intayin muhim bolup qalghan.
Sherqiy Türkistan bolsa “Shanghai hemkarliq teshkilati„gha eza döletler
bilen chégridash bolup, 5 – iyul wekesidin kéyin, Xitay hökümiti yerlikning
weziyitini kontrol qilish meqsitide, “Xinjiang„gha köplep herbiy qisim
kirgüzgen. “Shanghai hemkarliq teshkilati„ din paydilinip Sherqiy Türkistan
musteqilliq küchlirini yalghuz qaldurmaqchi bolgan. Russiye axbarat
wasitiliri birdek “Shanghai hemkarlik teshkilati„ni Xitayning Ottura
asiyagha yürüsh qilish, shundaqla Ottura asiyadiki tesir dairisini
kücheytishtiki kozuri,“Shanghai hemkarlik teshkilati„ yene Xitayning Ottura
asiya miqyasida énirgiye we maddiy eshyalargha érishishidiki bir sehnisi dep
qaridi.
Emma tehlilchilerning qarishiche, 5 – iyul weqesidin kéyin “Shanghai
hemkarliq teshkilati„ning Xitay üchün intayin muhimliqini yene bir qedem
ilgiri sürdi.
Moskiva uniwersitétining proffessori Geriboras mundaq dedi: “Shanghai
hemkarliq teshkilati Xitay üchün nöwette intayin muhim orun'gha ötti. Chünki,
Xitay bu teshkilattin paydilinip, “Xinjiang„ning ayrimchiliq küchlirini
tashqi dunyadin ayrip, Uyghurlarning bu teshkilatqa eza döletlerning
chégrisi ichide topliship, ayrimchiliq heriketlirini élip bérishini
tosalaydu we chekliyeleydu„
|
