Ürümchide 15 - oktebir Yene Sot Èchip, 6 Adamge Ölüm Jazasi, 3 Ademge Muddetsiz Qamaq Jazasi Höküm Qildi

Xinjiang Ürümchi sheherlik ottura xelq sot mehkimisi 10 - ayning 15 - küni sot échip 5 - iyul weqesige chétishliq 6 ademge ölüm jazasi bérip, ölüm jazasi bergenlerning sanini 12 ademge yetküzdi.

Fransiye axbaratchilirining éytishiche, bu hepte 21 adem üstidin ochuq sot échilishtin bashqa, Xitay dairiliri yene 5 - iyul weqesige chétishliq bolghan 700 din artuq jinayet gumandarlirini tutqun qilgan.

Ürümchi sheherlik xelq sot mehkimisi bügün 14 jinayet gumandarini üch qétimliq délogha munasiwetlik dep sot achqan.

Atalmish Xinjiang Uyghur aptonum rayoni Ürümchi sheherlik ottura xelq sot mehkimisi 15 -octebir ashkare höküm élan qilip, Ahmetjan. Mömin, Toxti. Pazil qatarliq 6 kishige ölüm jazasi bergen.

Qalghan 8 adamning 3 ademge muddetsiz qamaq jazasi bérip, siyasiy hoquqidin ömürwayet mehrum qilghan, 5 adamge muddetsiz qamaq jazasi bergen.

Xitaylar 10 - ayning 12 we 15 - künliri ayrim ayrim halda ochuq sot échip, 5 - iyul weqesige dair kishilerni sotlighan bolup, buning 19 nepiri Uyghur, peqet 2 nepirila Xitay. bu kixilerge chiqirilghan hökümni Xitay hökümiti pütünley Xitay qanunigha uyghun bolghan “ang adil höküm „ dep biljirlidi. Emma Bu ish pütün dunya miqyasidiki Uyghurlarning shundaqla dunya jamaetchilikining qattiq naraziliqini qozghidi. Ölüm jazasigha höküm qilish pütün dunya elliri teripidin qarshiliqqa uchrap turghan bügünki künde, Xitayning özining rezil siyasiy meqsitige yétish gherizide Uyghur xelqimizge bolghan qirghinchiliqini bashliwetti.

Fransiye tashqi ishlar bayanatchisi Bernard .Warail 12 - oktebir höküm axirlashqandin kéyin mundak dédi:“Fransiye bashqa Yawropa ittipaqigha eza döletlerge ohshashla, dunyada harqandaq ehwal astida ölüm jazasi bérilishke qarshi turidighanliqini, shundaqla Xitayning 5 - iyul délosida, Yawropa diplomatliridin héchbirsini ochuq sotqa qatnashturmiganliqigha qattiq apsuslinidighanliqini bildürdi „ uning ashakrilishiche, shiwitsiye Yawropa ittipaqining nöwetlime reis döliti bolush süpiti bilen Xitaygha oxshash telepni qoyghan. Derweqe Xitay öz meqsitige yétish üchün dunya ehlining herqandaq tekliplirini qobul qilmaydu shundakla herqandaq wasite qollinishtinmu tep tartmaydu……