Uchur we Tehlil

1) Xitay Ürümchide Muqimliqni Qoghdash Qisimlirini Tarqaqlashturdu

Xinhua torining 10 - ayning 12 - künidiki xewirige qarighanda, Xitay kommunist hakimiyiti qurulghanliqining 60 yilliqini tebriklesh pa'aliyetlirining axirlishishigha egiship, Ürümchide muqumliqini saqlash xizmiti yéngi bir basquchqa kirigen.

Buinggha qarita aptonum rayonluq partikomning da'imi ezasi, Ürümchi sheherlik partikomning shujisi Zhu Hailun tekitlep: muqimliqini qoghdash xizmitide tewrenmeslikni, her waqit boshashmasliqni, muqimliqini qoghdashning uzun muddetlik mexanizimini turghuzup, Ürümchining muqum weziyitini saqlash kérek dep körsetken.

Xitay xewiride yene 8 - sentebirdin buyan Ürümchide sheher derijilik we nahiye derijilik 105 organdin 8992 adem 865 xizmet guruppisi teshkil qilip, asasiy qatlam teshwiqat we muqimliq xizmitini qanat yaydurup, basquch xaraktirlik netijilerge érishti hem kommunist Xitay hakimiyiti qurulghanliqining 60 yilliqi toyning aldi keynide jemiyet muqimliqigha kapaletlik qilip, tereqqiyat we muqimliq xizmiti üchün yaxshi asas saldi dep maxtighan.buning din koruwélishqa boliduki , Xitay mustemlikichilirining shunche köp maddi we adem küchi chiqirip, muqumliqni saqlash xizmitinin élip bérishi, peqet Xitayning dölet bayrimining tinich aman otushi üchün xizmet qilghan.

http://news.ifeng.com/mainland/special/wulumuqisaoluan/
zuixinbaodao/200910/1012_7229_1384155.shtml

2) Xitayning Adowkatliri “Ürümchi 5 - Iyul Weqesi”diki Jawapkarlar Qanunluq Hoquq Menpétidin Behriman Boldi dep Biljiliridi

Xinhua torining 10 - künidin 13 - künidiki xewirige qarighanda,12 - öktebir “Ürümchi 5 - iyul weqesi” ge alaqidar 3 chong diloni tekshürüshni axirlashturghan. Alaqidar qanun xadimlirning bildürüshche, bu dilolarda sotqa erz sunulghan jawapkarlar özlirining qanonluq hoqoqidin behrimen bolghan.

Xitayning bu qétim sotqa erz sunup, atalmish Uyghur jinayetchilerni sotlishi emeliyette pütünley bir saxta körünüsh bolup, yalghandin “Ürümchi 5 - iyul weqesi” ge alaqidar jinayetchilerni qanoniy tertip bilen sotlawatqandek menzirini peyda qilish arqiliq, xelq ara jemaetke “Xitay mustemlikichiliri Uyghurlarni qanon yoli bilen sotlawatidu” dégen tonushqa keltürüstin ibaret. Biraq heqiqet haman heqiqet, yeni Xitay kommunistliri Ürümchi weqesi yüz bergendin buyan “ishikni étip itni öy ichide dumbalash” digendek, Sherqiy Türkistanda internet we téléfonni üzüwélip, sansiz Uyghurlarni mehpiy türmilerde qattiq qiyin qistaqlargha élip, minglighan Uyghurlarning bigunah ölüp ketkenlikini inkar qilish gherizide bolmaqta.

http://news.ifeng.com/mainland/special/wulumuqisaoluan/
zuixinbaodao/200910/1013_7229_1384933.shtml

3) Xitay Ürümchi 5 - Iyul Weqesining Dilosini Sotlashqa Qarita Baha Berdi

Xitayning xelq torining 10 - ayning 12 - künidiki xewirige qarighanda, Xitay mustemlikichiliri Ürümchi 5 - iyul weqesige qarita sot échishni axirlashturghandin kéyin bir qisim qanon sahesidikilerni ziryaret qilip ularning köz qarashlirini alghan. Xitay mustemlikichilirning sadiq ghalchiliri bolghan bu kishiler Xitay mustemlikichilirning adaletsiz siyasitige medhiye oqush bilen bir waqitta gunahsiz Uyghur xelqige töhmet chaplap Uyghur xelqning rohini chüshürüsh we Uyghur xelqni rohi jehettin mehkumluqqa élishqa urunghan.

Bu bir qisim atalmish qanon mutexesisliri Ürümchi weqesini chet'eldiki küchlerge baghlash bilen bir waqitta yene jinayet gumandarliri bolghan Uyghurlarning mustemlikichi hakimiyetning soti terpidin adil heqqaniyet meydanida turup sotlanghanliqini, ularning héchqandaq bir barawersiz muamilige uchrimighanliqni hem shundaqla ularning Xitay qanonida belgilen'gen barliq hoqoqtin behrimen bolghanliqini bildürgen.

Xitay özni teptartmay qanon bilen idare qilindighan dölet dep atighan bilen Xitay emeliyette bundaq diyishke héchqandaq salahiyiti yoq. Ürümchi 5 - iyul weqesining aldi keynidiki Xitayning Uyghur we Xitay köchmenlirige tutqan ikki xil pozitsiyisila bu sözimizni ispatlashqa yitip ashidu.

http://news.ifeng.com/mainland/special/wulumuqisaoluan/
zuixinbaodao/200910/1012_7229_1384851.shtml

4) “Xinjiang” da Milletler Ittpaqliq Zor Küch Bilen Kücheytildi

Xinhua torining 10 - ayning 12 - künidiki xewirige qarighanda, Xitayning dölet ishliri mehkimisining 5 - qétimliq memliketlik milletler ittipaqliqini ilgiri sürüsh teghdirlesh chong yighinidin kéyin, Uyghur aptonum rayonluq partikom yene bir qétim pütün rayon teweside milletler ittipaqliqi terbiyisi pa'aliyitini keng qanat yaydurghan. Xitay mustemlikichiliri buning “Xinjiang” ning muqimliqi hem tereqqiyati üchün intayin muhim we inaq bolghan bir muhit yaratti dep teripligen.

Xitay mustemlikichiliri Sherqiy Türkistanda her yili 3 - ayni milletler ittipaqliqi terbiyisi éyi qilip belgilep milletler ittipaqliq terbiyisi teshwiqati hem pa'aliyetlirini élip barmaqta. Biraq Xitayning bu xil aldamchiliq xaraktirge ige teshwiqati ezeldin Sherqiy Türkistan xelqining qelbidiki Xitay köchmenlirige bolghan öchmenlikni yoqitiwételigini yoq. Chünki Sherqiy Türkistanda zulumgha uchurghuchi millet Uyghur xelqi, Uyghur xelqige zulum salghuchi asasliq zulumkar del Xitay kommunist hakimiyiti we Xitay köchmenliridin ibaret.

http://news.ifeng.com/mainland/200910/1012_17_1384442.shtml