Rozi Héytingizlargha Mubarek Bolsun!

Essalam essalamu elaykum weten ichi we sirtidiki Sherqiy Türkistanliq eziz qerndashlar :
Aldi bilen yétp kélish aldida turghaun ulugh rozı héyt munasiwiti bilen hemminglarning ayiminglarni chin yürektin mubarekleymiz! Hemminglarning rozi héytinglargha mubarek bolsun!

Yilda bir kélidighan ulugh ramzan éyini axirlashturup, pütün dunya musulmanliri üchün mohim we katta bolghan ulugh rozi héytini kütiwelish aldida turwatimiz. Weten ichi we sirtidiki barliq Sherqiy Türkistanliq qérindashlarmu dunyaning bashqa jayliridiki musulmanlardek, özining en en eniwi örpi adetliri boyiche héyti teyyarliqi qilip, ulugh rozi héytini xoshal xoram ötküzüsh üchün teyyarliq qilmaqta.

Gerche ramazan éyida dunyadiki erkin we dimkoratik döletlerde yashawatqan qérindashlirimiz xatirjem halda ramazan éyidiki perizlerni toluq ada qilisha muweppeq bolalighan bolsimu biraq, Xitay mustemlikichiliiring ishghaliyiti astida riyazet chekiwatqan Uyghur musulmanliri kommunist Xitayninng qattiq bésimi we diniy cheklesh siyasiti astida özning normal diniy paaliyetlirini normal élip bérish pursetliridin mehrum qalmaqta we qorqunch endishe ghezep ichide yashashqa mejbur bolmaqta.

Sherqiy Türkistanning weziyiti dunya xelqige melum bolghandek, künséri jiddiyliship, Uyghur musulmanlirigha bolghan basturush, cheklesh, qamal qilish, dinniy qa'ide yusun, izzet hörmitini éghir derijide depsende qilish kündin - künge éghirlashmaqta. Ramzan eyida rozi tutush herbir musulmangha qilinghan periz bolisumu, biraq Xitay mustemlikichilirining dinsizlashturush siyasiti astida, Uyghur musulmanliri eqelliysi mushu perhizni ada qilish pursitidinmu mehrum qélip, éghir xorluq ichide yashashqa duch kelmekte.

Sherqiy Türkistanda 2009 - yili Uyghur xelqining béshigha kelgen külpet hessilep éship ketti. Yeni Sherqiy Türkistanni öz ishghaliyiti astigha élip numus qilishni bilmeydighan kommunist Xitay hakimiyiti Sherqiy Türkistanni ayrilmas zéminimiz dep hedep jar sélip bu zémining esli igisi bolghan Uyghur musulmanlirini tek tegi bilen qirip tügütiwétish koyida bolmaqta. Yeni bu yilning ichide yüz bergen weqelerge nezer saldighan bolsaq, Xitay kommunist hakimiyiti yette qizlirim, Sair Palwan, Molla Shakir, Gheni Batur, Qirmish Atam maziri qatarliq Uyghur xelqining muqeddes we eziz hésaplinidighan jaylirini qanunsiz dep qarap bu jaylarni taqiwetti yaki bolmisa bu jayni Xitay xojayinlargha sétip bérip, Uyghurlarning bu jaylargha bérishni cheklesh bilen bir waqitta bu jaylargah eyshi - ishret sorunlirini échip, Uyghur xelqning diniy milliy ghururuni éghir derijide ayagh - asti qildi. Uningdin bashqa atalmish qosh til oqutquchisi bolghan bir Xitay muellimning 23 neper nariside Uyghur qizgha basqunchiliq qilip Uyghurlargha naheqchiliq qilishi, Uyghur musulmanlirning küchlük qarshi turushigha qarimay Qeshqer qedimy shehrini chéqip tashlishi, 26 - iyul Guangdong Shaoguan qirghinchiliqni peyda qilip, Uyghurni wehshiylerche öltürgenliki, arqidinla Uyghurlarning namyishini qanliq basturup, nehche minglighan Uyghur musulmanlirining qanliq qirghin qilinishi, Sherqiy Türkistan tewesidinla 20 - 30 ming etrapida Uyghurlarning ölük tiriki namelum halda Xitay saqchi we herbiyliri terpidin tutqun qilinip yoqap kétishi, Xitay mustemlikichi hakimiyitining Uyghur we Xitaylargha tutqan periqliq muamilisi tüpeylidin Uyghur xelqning meschidlirige ot qoyulup, örüp chéqilishi, Uyghurlarning Xitay köchmenliri saqchilrii terpidin naheq öltürlüshi, Sherqiy Türkistan Uyghurlar sadir qilmighan atalmish “Aqsudiki emelge ashmighan térrorluq weqesi hem yingne senjish weqesi” qatarliqlarni oydurup chiqirip, Uyghur xelqige böhtan chaplap, Uyghurlarni ramazan éyidimu xatirjem yashash imkaniyidin mehrum qiliwatqan Xitay kommunist hakimiyiti elbette pütün Sherqiy Tükistanliq musulmanlarning lenitige uchurmaqta.

Sherqiy Türkistan information merkizining reisi Abdujelil Qarqash ependi we merkizimizdiki barliq xizmetchi xadimlar weten ichide kommunist Xitay hakimiyitining zulumini tartip, milliy we diniy basturush zulum siyasetlir astida riyazet chékiwatqan qérindashlirimizning rozi héytini xatirjem ötküzishige tilekdashliq bildürmiz. Hem shundaqla Sherqiy Türkistan xelqning hörlüki, azatliqi üchün issiq qanliri eziz janlirini pida qilip bu yilqi ulugh rozi héytini körüshke muyesser bolalmay qurban bolghan qehriman oghul qizlirimizning rohigha atap dua qilish bilen birge Janabiy Allahtin ulargha méhri shepqet tileymiz! Shundaqla Xitayning türmilirde yétiwatqan, Xitay jallatliri terpidin ghaljirlarche qiylinip, insan tessewwurigha sighmighudek derijide riyazet hem azap oqubet tartiwatqa qerindashlirimizgha asayishliq, aman esenlik tileymiz. Hem shundaqla gerche Xitay kommunist hakimiyitining qatmu - qat ézishi hem depsende qilishigha uchrap kéliwatqa bolsimu biraq janabiy Allahdin medet tilep, umid bilen yashawatqan Uyghur qérindashlirimiznining téximu umid bilen yashishini hem Janabiy Allahtin ulargha aman esenlik, ekinlik, asayishliq ataqilishni tileymiz!

Axirda Sherqiy Türkista information merkizining reisi abdujelil qariqash ependi we merkizimizdiki barliq xadimlar namidin barliq Uyghur qérindashlirmizning ulugh rozi héytini xoshal - xoramliq ichide ötküzüshini, tinining salamet, ishlirining ongushluq, xizmitining köngüllük bolushini tileymiz we ulargha rozi héyit musaniwiti bilen chongqur salamlar yollaymiz!

Kamil éhtiram bilen:

Abdujélil Qaraqash
Sherqiy turkistan information merkizning reisi

Germaniye Duisburg 19. 09. 2009