"Gollandiye Sherqiy Türkistan Uyghur Birliki" Teshkilati Teripidin Ürümchide 5 - Iyul'da Shehid Bolghan Qérindashlirimizning Rohigha Xatim Qur'an we Nezir Ötküzüldi

2009 ‏- yili 25 ‏- iyul. Gollandiyening paytexti Amisterdam shehride ''Gollandiye Sherqiy Türkistan Uyghur Birliki'' ning teshkillishi bilen ''Amisterdam Shehridiki Ölkü Ocakliri'' jemiyitide wetende qurban bolghan shehidlirimiz we riyazet chikiwatqan qehrimanlirimizgha atap duayi - tekbir, xatime - qur'an we nezir qilish paalyiti ötküzildi. Paaliyetke Uyghur, Türk we chet'elliklerdin bolup jem'i 100 din artuq adem qatnashti.

Pishin namizidin kéyin oqulghan ghayibane jinaze namizi, mungluq qiraet, mol mezmunluq wez-nesihetler we tesirlik dualardin hayajanlan'ghan köpchilik bes-beste pikir bayan qilip bu qitimqi weqedin kéyin duch kelgen türlik kechmishliridin toplighan his-tuyghulirini anglatti. Semimiy yürektin chiqqan bu sadalar paaliyetni yuquri pellige kötürdi.

Paaliyetke ishtirak qilghan teshkilatlardin ''Sherqiy Türkistan infirmatsiyun merkizi''ning reisi Abdujélil Qaraqash, ''Bilgiye Uyghur komititi''ning resisi Abdullamlarmu bu qétimqi paaliyetning tüp asasi bolghan ittipaqliq, birlik we barawerlik shuari astida zich hemkarlishidighanliqini ipadilidi. Chet'el teshkilatliridin ''Yawrupa Türk démukratlar birliki teshkilati'' we ''Xelq'ara wakaletsiz milletler teshkilati''din kelgen wekillermu söz qilip, Uyghurlarning dewasigha dawamliq yardemde bolidighanliqi bildürüp medet berdi.

Bashtin axiri dinni en'enimizge munasip shekilde qizghin we janliq keypiyatta dawamlashqan bu paaliyet shu yer waxti saet 14:00te bashlinip, 17:00 de axirlashti.

2009 ‏- yili 26 ‏- iyul

Yuqurqi paaliyetning emeli ehwalini u-tv din köreleysiz