Ürümqide Keng Kölemlik Namayish Yüzberdi, Minglighan Namayishchilar Tutqun Qilindi

ETIC xewiri :

Merkizimiz wetendin biwaste igelligen deslepki melumatlargha asaslanghanda, bügün, yeni 7 - ayning 5 – küni, Shaogüande Sherqiy Türkistandin mejburi yötkep kélingen Uyghur ishchilarning Fashist Xitaylarning qanliq hujumigha uchrighanliqigha naraziliq bildürüsh meqsidide ürümqide Uyghur ali mektep oqughuchilirini asas qilghan 10 minglighan kishi keng kölemlik namayish élip barghan.

Bügün Ürümqi waqti saet 14:30 etrapida

Herqaysi Ali mekteplerdin kelgen Namayishchilar aldi bilen Ürümqidiki < xelq meydani > gha toplanghan bolup, keyin ularning sepige jemiyettiki köp sandiki kishimu kélip qoshulghan we qisqighina waqit ichide namayishchilarning sani texminen 20 mingdin eship ketken.

Namayishchilar shoar towlushup Xitay hakimiyitidin Shaogüande Uyghurlarni wehshilerche öltürgen qatil Xitaylarni jinayi jawapkarliqqa tartishni we Uyghurlarni ichki ölkilerge mejburi ishlemchilikke iwetish siyasitini derhal toxtutushni telep qilishqan.

Namayish bashlinishi bilenla minglighan saqchi we esker kelip namayishchilarni qorshuwalghan we merkizimiz bu xewerge érishkenge qeder texminen mingdin artuq namayishchi tutqun qilinghan.

Namayishchilarmu saqchilarning tutqun qilishigha qattiq tirkeshken we ikki saqchi mashinisini köydürüp tashlighan, kelgen uchurlardin melum bolushiche hazirgha qeder 29 neper Uyghur namayishchi saqchilar teripidin etip öltürülgen, ölgenlerning bir 50 yashlar etrapida, yüzligen namayishchilar yarilanghan.

Eslide Namayishchilarning merqsidi < xelq meydani > din yolgha chiqip Döngköwrükke yürüsh qilip buyerdiki Uyghur ammisini namayish sepige qoshush bolup, lekin yollar saqchi – eskerler teripidin qattiq qamal qilinghini üchün namayishchilar < xelq meydani > etrapigha qapsilip qalghan.

Hazir Ürümqidiki < xelq meydani > etrapida namayishchilar bilen saqchi – eskerler otturisida kocha toqunushi dawal qilmaqta.

Namayishqa shahid bolghanlarning inkas qilishiche, namayishchilar qoshuni ichide köp sanda ayal we balilarmu bar bolup, yarilanghanlarning köpünchisi yashanghanlar, ayallar we balilar iken.

Namayish bashlinishi bilen Xitay saqchiliri herqaysi ali mekteplerni qamal qiliwelip, mekteplerde qepqalghan Uyghur oqughuchilarni yataqliridin sirtqa chiqarmighan.

Bu peqetla deslepki uchur bolup, bu heqte sizlerni dawamliq yéngi melumatlar bilen teminlep turushqa tirishimiz !

Nexmeydandin bir qerindeshimizning telefonda alghan melumati  

< Sherqiy Türkistan Informatsiyon Merkizi >


2009 – yili 7 – ayning 5 – küni

( Germaniye waqti 15:00 )