Sheriy Türkistan Mesilisge Saqlaydighan Waqit Yoq

Weten ichi we sirtidiki bir qisim kishilirmiz nöwette aktip siyasi pa'aliyet élip bériwatqan siyasi pa'alieytchilirimiz we teshkilatlarni bihude ish qiliwatidu, biz qanche herket qilsaqmu Xitay Sherqiy Türkistanda qildighinini yenila qiliweridu, bizge kélidighan bésim we zulum buning bilen tügep qalmaydu. Shunga hazirche peqet jim yétip turup, purset piship yétilgende andin weten ichi sirtidiki pa'aliyetlirimizni janlandurshimiz kérek dep joylup yürmekte. Bizning bu kishilerge béridighan jawabimiz birla u bolsimu, quruq gepni az qilip emeliy herket qilish kérek. Sherqiy Türkistan mesilisi saqlap turmaydu. Buninggha saqlap turghudek köp waqit qalmidi.

Xitay uzun yillardin buyan Sherqiy Türkistanda yolgha qoymaqchi bolghan barliq siyasetlirini yolgha qoyup boldi. Bu siyasetlerning hemmisi emeliyette Uyghur xelqining tüp menpeti we kelechikige pütünley paydisiz bolup, Uyghur xelqini zawalliqqa yüzlendürüshni tézlitish meqset qilinghan. Mesilen Sherqiy Türkistanda xelqimiz mustemlikichi Xitay hakimiyitige gerche köp qétim “ atom siniqini toxtitish we Sherqiy Türksitanning muhitini qoghdash, Uyghur xelqning qanunluq hoqoq menpetini qoghdash, Uyghur xelqige qaritilghan qanunsiz tutqun qilish, öltürüsh herketlirini toxtitish, Uyghur diyarigha Xitay köchmenlirni qanunsiz yötkeshni toxtitish, Uyghur xelqige erkinlik we dimkoratiye bérish, qatarliq heqqaniy teleplerni qoyghan bolsimu biraq bu telepler kommunist Xitay terpidin yolsizlarche ret qilinip pikir bayan qilghan kishiler ziyankeshlikke uchurdi.

Xitayning emeliy dölet küchining éship bérishigha egiship Sherqiy Türkistanda dawam qiliwatqan milliy zulum we bésimlarmu mas qedemde éship barmaqta. Shundaqla Xitayning Uyghur xelqning mewjut bolup turush boshluqini téz sürette kichiklitip axirda Uyghur xelqnining milliy kimlikini yoqutuwétishtin ibaret bu milliy asmilatsiye qilish herkitimu yoshurunluqtin barghanséri ashkariliqqa yüzlinip, Uyghur xelqining pikir bayan qilish, öz naraziliqlirini bildürüsh hetta ikki éghiz heq gep qilishimu yoqqa chiqip, Uyghur xelqning köz aldidila Uyghur xelqning xotun qizlirini Xitayning ichkiri ölkilirige bulap talaydighan, Uyghur qizlirini pahshilikke mejborlaydighan, Uyghur oghullirini bolsa oghri yanchuqchiliqqa mejborlaydighan, shundaqla zeher élip sétish we chékishi qatarliq jinayetlernng patqiqigha ittirdighan, Uyghurlarning diniy étiqadini xalighanche depsende qilip we uninggha chek qoyup, diniy hesiyatigha zerbe béridighan, kishilerni namratliq we yoqsunluqta qaldurup, Xitay köchmenlirige yallinip ishleydighan qul ornigha chürüp qoymaqta. Uyghur jemiyitidiki yeqinqi 10 nechche yil mabeynide yüz bergen ijtimayi exlaqning mislisiz derijide buzulup kétishi we Uyghur milliy örpi - adetliridin yatlishish qatarliq mislisiz balayi apetlerning keynida del Xitay kommunist hakimiyitining qara qoli bar.

Sherqiy Türkistan Xitayning tajawuzigha uchrap mustemlike bolup qalghan mushu 60 yil emes belki mushu yéqinqi 10 yilgha nezer saldighan bolsaqla ana wetinimiz Sherqiy Türkistanda yüz bergen barliq özgirishlerning xelqimizning béshigha kelghen chong külpet ikenlikini, xelqimizning amalsizliq ichide türlük bésimlar astida yashashqa mejbor boliwatqanliqni hés qilalaymiz. Xitay Uyghur xelqini asmilatsitye qilip yoqutush siyasitini ochuq ashkara yolgha qoyush bilen qalmastin belki yene bu herkitini téz sürette ijraqilmaqta. Mushu süret boyiche kétiwerdighan bolsa kelgüsi 10 yilda Uyghur xelqining Sherqiy Türkistandiki emeliy mewjutluqimu bir mesile bolup qalidu. Dimek Sherqiy Türkistan mesilisi bir qisim nadan kishirimiz éytqandek künlerning biride özlikidin hel bolup qalidighan we yaki purset piship yétilgende herketke kélidighan mesile emes, belki qanche téz, qanche küchlük qanat yaydurulsa we herketke kelse shunche yaxshi bolidighan, bolmisa jimjit yétip yoqulidighan bir sezgur mesilidin ibaret. Dimek ana wetinimiz Sherqiy Türkistanning azatliq Uyghur xelqining milliy azatliq körüshi Uyghur milliy dawasi üchün saqlaydighangha waqit yoq. Weten ichi we sirtidiki xelqimizning bir niyet bir meqsette tézlikte uyushup Xitayning Sherqiy Türkistanni özlirining “shatliq baghchisi”gha aylandurwélishi we shundaqla Uyghur xelqni asmilatsiye qilip yer yüzidin yoqitiwetishtin ibaret bu rezil niytige del watida önümlük zerbe bérip we uni türlük usullar bilen tosup, milliy mewjutluqimizni saqlap qélish nöwettiki eng muhim mesilidur.