Yekendiki Tajawuzchiliq Weqesi Munasiwiti Bilen Gollandiyede Namayish

Öz xewirimiz: buyil 5 – ayning 8 – küni Yeken nahiyiside yüzbergen bir Xitay oqutquchining Uyghur qiz oqughuchilargha tajawuz weqesi, chetellerdiki uyghurlar arisida küchlük inkas peyda qilghan idi.

Weqedin buyan, herqaysi ellerdiki Uyghur teshkilatliri, Xitay oqutquchining bu rezil qilmishi we Xitay hakimiyitining bo nomussiz mexluqni jazalash uyaqta tursun eksiche qanat astigha élip qoghdap keliwatqanliqigha qarshi türlük naraziliq heriketlirini elip barmaqta.

Shu qatarda 6 – ayning 18 – küni < Gollandiye Sherqiy Türkistan Uyghur Birliki > ning teshkillishi bilen, Gollandiyening Den Haag shehridiki Xitay elchixanisi aldida naraziliq namayishi ötküzüldi.

Namayisha, Germaniyediki < Sherqiy Türkistan Informatsiyon Merkizi > ning reyisi Abdujelil Qaraqash ependimu alahide kelip qatnashti.

Ikki saet dawam qilghan bu qetimqi namayish jeryanida, Qollirida Sherqiy Türkistanning kök bayriqini we Xitaylarning Uyghur xelqighe séliwatqan zulmigha qarshi yézilghan herxil pilakatlarni kötürwalghan keng namayishchi amma zalim Xitaylarning wetinimiz Sherqiy Türkistanda élip bériwatqan zulmigha qarshi yürikidiki nepret we isyanlirini qattiq awazda chuqan sélish bilen ipadildi.

Ular Xitay hakimyitining Uyghur inqilapchilirigha térorchi qalpiqini keydürüshke urunuwatqanliqini tenqit qilip térorchining qulida héch nersisi yoq mezlum Uyghur xelqi emes belki, zeherlik qural yaraq sodiliri bilen bay bulushqa tirishwatqan, keyni keynidin ashkara we mexpiy atom sinaqliri bilen pütün insaniyetni zeherlewatqan zalim Xitay hakiyitining heqiqi térorchi ikenlikini élan qilip „Heqiqi térorchi Xitaylar“ dep waqirashti.

Namayishqa qatnishish üchün Germaniye Duisburg shehridin alahide kelgen „Sherqiy Türkistan Information Merkizi“ning reisi Abduljelil Qaraqash ependi namayishchi ammigha muhim söz qildi. Uningdin kéyin „Gollandiye Sherqiy Tükistan Uyghur Birliki“ teshkilat bashliqi Bextiyar Nasir efendi we teshkilat katipi Abdusalam, teshkilat teshwiqat yétekchisi Abdulghéni qatarliq milletperwer zatlar nutuq sözlidi. Ular sözliride yéqindin béri zalim Xitay özning zorluq küchige tayinip bezi ajiz döletlerning hakimyetlirini sétiwilip shu döletlerde yashawatqan Uyghur inqilapchilirni tutup kitiwatqanliqi, jümlidin yéqindila Pakistan hökümiti Xitaygha 9 neper inqilapchimizni tutup bergenlikini hetta normal suda tijariti qiliwatqan Uyghurlarnimu Xitaygha ötküzüp bérip döletler ara adem sodisi qiliwatqanliqini we Uyghur xelqining medeniyet miraslirini yuqitish herkitini tizlitip 1300 yilliq tarixqa ige Qeshqer xanliq medrisini chiqip tashlighanliq rezil herkitini qattiq shekilde tenqit qilip ötti .


Axirida namayishning asasliq ubikti yeni wetinimizning Yeken nahiyside yüzbergen bir Xitay uqutquchining nareside uyghur qizlirigha chékidin ashqan peskeshlik herkiti uning kichik nariside Uyghur qizlirigha qollanghan bezi qilmishlirining tilgha alghusiz ikenliki hökümet urunliring uni qattiq jazalimastin belki qanat astigha ilip uninggha nahayiti tizla sarangliq kinishkisi bijirip bergenliki , u Xitayning jamaet xewpsizlik saqchisigha men sarang mining kichik balilargha mushundaq qildighan aditim bar digenliki buni anglap chidap turalmay qarshilik bildürgen Uyghur saqchiningmu tizla ishtin toxtitilghanliqi sözlinip ötüldi we buninggha qarshi qattiq naraziliq bildürüldi.

Namayishchilardin biri men bu yerge kilimdiki asasi mexsetim, peqetla Yekende bulghan bu weqening Uyghur xelqighe qilinghan chong haqaret ikenliki, nareside Uyghur qizlirining Xitaylar teripidin peskeshlikke uchrighanliqigha imani, wijdani, milli ghururining chidap turalmighanliqi üchün bir Uyghur bulush süpiti bilen bu jinayetke qarshi waqirash arqiliq bulsimu bir inkas bildürüsh mejburytining bulghanliqi üchün kelgenlikini sözlep ötti .

Namayishchi amma naraziliq paliytini ayaqlashturghandin kéyin Xitay elchixanisi aldidin ayrilip shu kucha ichige jaylashqan güllük yénida Gollanidiyede yashawatqan Uyghurlarning bundin kéyinki Xitaygha qarshi herketlirini qandaq janlandurush, Gollandiyede siyasi panahliq telep qilghuchilarning heqqi hoquqini qandaq qoghdash tughrisida jiddi muzakira élip barghandin kéyin tarqap kétishti.