Xitya Tor Betide Ghéni Batur Haqaretlengen

Xitay xelq siyasiy meslihet kéngishi Uyghur aptonum rayonluq komititining tor bétidin melum bolushiche, Wang lingtang isimlik bir Xitayning qelem tewritishi bilen “Geniral Wang jen chong lükchek Ghéni Baturni boysundurghan” namliq maqale élan qilinip, Uyghur xelqining milliy iptixari, pexirlik oghlanini haqaretligen.

Wang lingtang isimlik bu Xitay qilche teptartmay, Ghéni Baturni “uchichigha chiqqan lükchek, eyni chaghda Sheng duban mu uni türmige tashlighan, kéyin türmidin qéchip chiqip üch wilayet inqilabigha qatniship qomandan boliwalghan. U bir uchchigha chiqqan lükchek bolup, xelqni bozek qilghan. Uning qilmighan eskiliki qalmighan, kompartiyige düshmenlik neziri bilen qarighan, axir uni geniral Wang jen boysundurghan” dep aghzigha kelgenni biljirlighan.

Undaqta nimishqa yéqindin buyan bir qatar Uyghur xelqining milliy qehrimanlirini haqaretlesh tipidiki maqliler arqa - arqidin Xitay metbuatlirda élan qilindu? Buning? Nime uchun Uyghur xelqi milliy qehriman,milletning pexri, tazawuzchilar bilen Baturluq bilen küresh qilghan ezimetler dep etirap qilip hörmetlep tillarda dastan qilip kéliwatqan qehrimanliqimiz Xitay yazghuchiliri terpidin “milliy bölgünchi, weten xaini” bolup qalidu? Buning ichki siri yenila Xitay mustemlikichi hakimiyitining siyasiti bilen munasiwetlik.

Eyni chaghada Xitay mustemlikichilirimu étirap qilghan ‘Jallat Shing Shicai” bügünki kün'ge kelgende Xitay mutemlikichiliri terpidin maxtilip, “Xinjinagning muqimliqi ,wetenning birlikini saqlighan milliy qehriman” dep teriplenmekte. Biraq u Uyghur xelqining qan qerzige bugulghan bir jallat idi. Mustemlikichi kommunist Xitay qilche teptartmay Uyghur xelqining düshmini bolghan mushundaq bir jallatni öz menpeti üchün “ar nomus we yüzni” bir chetke qayrip qoyup milliy qehriman dep tonushi we jakarlishi, nahayiti éniqki Uyghur xelqige qilnghan bir chong haqaret. Buningidin biz Xitay mustemlikichi dairlirining qilche teptartmaydighan yüzsiz, iplas, qiliqsiz we exlaqsiz hakimiyet ikenikini hés qilalaymiz. Mana bu Xitay kommunist hakimiyitining Sherqiy Türkistanda yürgüziwatqan mustemlikichilik siyasitining mahiyitini yushurup qélish, özlirining Sherqiy Türkistanda yürgüzüp kéliwatqan siyasitini saqlap qélish üchün qollanghan bir siyasiti bolsa kérek.

Xitay mustemlikichilir Uyghur xelqi hörmet bilen we chongqur séghinish ichide eslawatqan we tilgah éliwatqan tarixtin milliy qehrimanlirimizgha xalighanche til tekküzüp, ularni haqaretlesh arqiliq Uyghur xelqining qelbidiki obrazini nacharlashturushqa urunushi peqet bihude awarichiliqtin ibaret. Xitay yazghuchilirning mustemlikichi hakimiyet üchün Xizmet qilip, Uyghur xelqining milliy qehrimanlireini haqaret qilishi qehrimanlirimizning obrazini xunukleshtürelmeyla qalmastin ekische téximu nurlandurdu. Xelqimiz özlirining milliy qehriman ughul - qizlirini meng gü hörmet we séghnish ichide esleydu.