Pakistan Uyghurlarni Yene Jiddi Tutqun Qilip Xitaygha Qayturishi Mumkin

Kündilik waqit gézitining xewer qilishiche, mushu ayning 12 - küni Pakistan genarli Tariq Majid, Pakistanning Sherqiy Türkistan Islam Partiyisini basturushta toluq küch chiqiridighanlighini bildürgen. U Xitayning Pakistanda turushluq bash elchisi bilen söhbetliship özlirining Xitaygha bolghan yalaqchiliqini Uyghurlarni basturushqa yardem qilish arqiliq ipadileydighanlighini bildürgen.

Téxi yéqindila Pakistandin toqquz Uyghur Xitaygha qayturulghan bolup, Ular hazir Xitay turmiside ölüm aldida turmaqta. Pakistan hökümeti bilen Xitay hökümeti gerche bu toqquz Uyghurni, Uyghurlarning musteqillighi üchün Xitaygha qarshi küresh qilivatqan Sherqiy Türkistan Islam partiyisi bilen chétishlighi bar dep qarilighan bolsimu, emma Sherqiy Türkistan Islam Partiyisi ularning özliri bilen hichqandaq alaqisi yoqlighi heqqide bayanat bergen idi.

ETIC'ning igellishiche, Sherqiy Türkistandiki diniy erkinlikning zorawanliq bilen basturulushi tüpeylidin Islam dinidin sawat élishqa kelgen we XItay höküméti we köchmenliri teripidin Sherqiy Türkistanda élip bériliwatqan éghir iqtisadi kemsitish tüpeylidin chiqish yoli tépish üchün Pakistangha kélip ushshaq tijaret qiliwatqan Uyghurlaning xéli köp ikenligini igellidi.
“ Rayon bixeterligi kélishish bahanisi bilen, Pakistan höküméti gunahsiz musulman Uyghurlani Xitaygha satmaqta, Pakistanning bu qilmishi Xitay hökümétining bésiwélin'ghan zimin Sherqiy Türkistandiki Uyghurlarni qirip tügitish siyasitige yardem qilishtin bashqa nerse emes” deydu ETIC ning presidenti Abdujelil Qaraqash ependim.

Gerche Erkinlik Öyige oxshash insan heqliri teshkilatliri Pakistanning Xitaygha Uyghurlarni qayturup beriwatqanlighini eyiplep, herqandaq bir döletning Xitaygha Uyghurlani qayturup, térrorisim bahanisi bilen Uyghurlarni basturishigha yardem qilmasilighini telep qilghan we ularning bu jehettiki xelq'araliq qanunni hörmet qilishini eskertken bolsimu emma Pakistan höküméti helq'araliq qanunni közige ilipmu qoymay bu qétim yene Xitaygha Uyghurlarni sétish üchün yalaqchiliq herketlirini tézletti.

Bu qétimqi Xitay bash elchisi bilen ötküzülgen söhbettin kéyin Pakistan höküméti téximu jiddi türde nurghun Uyghurlani qolgha élip Xitaygha qayturuishi mumkin. Emma bezi Uyghur siaysi tetqiqatchilar Pakistanning Uyghurlarni Xitaygha yoshurunche qayturup bérish ehwalliriningmu mewjut ikenligini, emma Pakistan hökümeti fashist hemriyi Xitay bilen nahayiti yéqin dostluqta bolghanliqtin, zadi qanchilik Uyghurning hazirghiche yoshurun qayturulghanlighini we ularning Xitay teripidin qandaq öltürülgenligi yaki jazagha uchrighanlighini éniqlashning intayin qiyin ikenligini qeyt qilmaqta.