Uyghurlar Milliy Dawasida Kimge Tayinidu?

Uyghur xelqi kommunist Xitayning türlük zulumliri we basturush siyasiti astida yashap, köplighen pejelik qismetlenri bashtin kechürdi. Kommunist Xitay Sherqiy Türkistanni munqeriz qiliwalghan 60 yil mabeynide Sherqiy Türkistanning heqiqiy igisi bolghan batur Uyghur xelqi kommunist Xitaygha bash égishni nomus dep bilip, izchil türde mustemlikichilerge qarshi kürsh qilip kelmekte.

Biraq Uyghur xelqining weten millet dawasida qiyinchiliqlarmu az emes. Sabiq Sowitler ittpaqi yimirlip, Qazaqistan, Qirgizistan, Özbekistan, Türkmenistan qatarliq bizning Türkiy qérindashlirimiz musteqilliqqa érsihkende Uyghur xelqi buningdin köp xoshal bolghan we ilhamlanghan idi. Biraq kéyinki emeliyet Uyghur xelqining bek aldirash xosh bolup ketkenlikini ispatlap berdi. Yeni Uyghur xelqi özemning bir tughqan qérindishim, dep bilghen Qazaqistan, Qirghizistan, Özbeksitan qatarlir döletlerning hökümetliri özlirining köz aldidiki menpe'etni dep Uyghur xelqning chong menipetini qilche oylashmastin qurban qiliwetti. Uyghur xelqining qiyametlik düshmini bolghan kommunist Xitay hakimiyiti bilen éghiz burun yaliship, Uyghur musteqilliq herkitini yene bir qétim ongushsizliqlargha uchratti. Ottura Asiyade paaliyet élip bériwatqan Uyghur qérindashlirmizning erkinlik, barawerlik, dimkoratiye üchün élip bériwatqan heqqaniy herkitini qollimayla qalmastin eksiche uni rehimsizlik bilen cheklep we basturup, Xitay hökümiti bilen zich hemkarlashti we Xitay hökümitining jinayi qilmishlirgha yardem berdi.

Uningdin bashqa yene Pakistan Afghanistan hökümetlirimu özmenpetlirini chiqish qilip, Xitaydin menpet élish meqsitide Uyghur xelqining pexirlik oghlanliri yeni erkinlik jengchilirini türkümlep qolgha élip we ularni Xitay hökümitige ötküzüp bérip, ularning qorbanliq qoy ornida ölüshige sewep bolmaqta. Uningdin bashqa Uyghur xelqining diniy qérindashliri bolghan Ereb döletlirimu Xitayning chalghan dépigha ussul oynap Xitay bilen mas qedemde Uyghur xelqige wastilik ziyankeshlik qilish herkitini dawam qilip kelmekte.

Undaqta Uyghur dawasini kim qollawatidu? Kim Uyghur xelqining erkinlik barawerlik dimkoratiye üchün we özlirining kishilik hoqoqini qolgha keltürüsh üchün qiliwatqan milliy dawasini qollawatidu? Bu del heqqaniyet adaletni yaqilighuchi gherip döletliridur. Uyghur xelqining meniwi anisi Rabiye Qadir xanimmu del gherip dunyasining birdek étirap qilishigha we qollishigha erishkenliki üchün, kommunist Xitay hakimiyiti uni hazir terorrchi diyelmey, gherip dunyasining ghalchisi dep haqaretlep kelmekte.

Dimek Uyghur xelqi nöwettiki Uyghur dewasi üchün gherip dunyasining téximu yüksek étibarini hem qollishini qolgha keltürüshi, shundaqla pütün dunyadiki erkinlik barawerlik dimkoratiye üchün köresh qiliwatqan adelet heqqaniyetni yaqilaydighan, kommunizimning zulumigha basturushigha qarshi turdighan barliq küchler bilen zich alaqe baghlishi, ularning chüshinish qollishini qolgha keltürüshi tolimu zörür.

Uningdin bashqa Uyghur xelqining weten millet dewasi weten ichidiki xelqimizning birdek zich itpaqliship mürini mürige tirep küresh qilishini telep qildu. Xitay kommunist hakimiyiti yéqinqi yillardin buyar erkin dunyada künséri janlinip kétiwatqan we xalqara jemiyetning birdek qollap quwetlishige hem qollishigha érishwatqan Uyghur dewasidin qattiq chuchup, uni kuchinning bériche tosushqa we chetellerde turiwatqan Uyghurlarning paaliyetlirighe buzghunchiliq qilishqa urunup kelmekte. Bundaq bir weziyet astida weten ichi we sirtidiki qérindashlirimiz choqum kallsini segek tutushi, shundaqla Xitayning oynawatqan hiyle neyrenglirni tonup yétip, milliy musteqilliq dewayimiz yolidiki barliq tosqunluqlarni we buzghunchiliq herketlirini del waqtida tosushqa we uning aldini élishqa herqachan teyyar turushu kérek. Uyghur xelqining milliy dewasi yenila tigi tektidin élip éytqanda Uyghur xelqining zich hemkarliship we itpaqliship uzun mezgil küresh qilishigha we bu yoldiki herketlirimizni üzüp qoymay dawam qilishimizga bir niyet bir meqsette Rabiye Qadir animizning etrapigha toplünüp we uning gha egiship adaqqiche kürsh qilishimizgha tayinidu.