Meng Jianzhu Uyghur Aptonum Rayonni Közdin Kechürdi

Tangri tagh torining xewirige qarighanda, dölet kommisari JXJ ministirlikining ministiri, Meng Jianzhu 28 - may Uyghur aptonum rayonni tekshürüp tetqiq qilghan hem asasiy qatlamdiki kadirlar, amma, JXJ saqchiri, qoralliq saqchi chégra mudapie qismidiki ofitsir eskelerni yoqlighan we ulardin hal sorighan. Hemde ulardin “ilmiy tereqiyat qarishini dawamliq emeliyette körsütüp, ”umumiyüzlük hal ehwal igelesh”tin ibaret xelqni söyüshni emeliyette körsitishi paaliyitini yenimu chongqurlashturup, inaq saqchi - xelq munasiwitini ornutup, JXJ qoshunning umumiy sapasini üzlüksiz östürüp, omumiy sapani yaxshilap, yéngi Junggo qurulghanliqning 60 yilliqigha sogha teqdim qilip, millletler itpaqliqi, ijitimayi siyasiy muqimliq we wetenning chégra mudapiesining mustehkemlikini saqlash üchün yéngi xizmet körsitishke righbetlendürdi.

Meng Jinanzhu yene tekitlep “Xinjiang ”wetinimizning gherbiy chighirsigha jaylashqan bolup qoshna dölet köp, chégra liniyisi uzun, etrapning ehwali mürekkep, muqimliqni saqlash wezipisi éghir. Chégra mudapie saqchixanisidiki ofitsir eskerler japagha chidap küresh qilish rohini jari qildurup, japaliq xizmet qatnash, turmush sharaitida, umumiyliqni közlep, yiaraq chégra rayonda ”heq yol” din qaytmay, xalis töhpe qoshup, merkezning “Xinjiang”ning JXJ sahesining ximetlirige dawamliq köngül bölüp, yardem qilip we qollap, chégra mudapiesining muqimliqi we dölet xewipsizlikini ortaq saqlaydighanliqini bildürdi.

Kommunist Xitayning merkizi hökümitidin kelgen bu ministirning sözidin körüwélishqa boluduki, Xitay merkizi hökümiti Sherqiy Türkistanda emeliy mewjut bolup turghan mesillarge we mesilning sewebige qarita héchqandaq chüshenche bermeyla qalmastin eksiche yene bu rayonning muqimliqini qoghdashni aldinqi orungha qoyghan. ”Muqimliq hemmni bésip chüshidu” digen köz qarashni qollash bilen birge yene bu rayonning muqimsiz bolushidiki asasi gewdilik messilarni nezerdin saqit qilipla qalmay yeni bu rayongha bolghan herbiy we diktator siyasetni téximu kücheytish arqiliq bu rayonning muqimliqini saqlimaqchi bolghanliqini éniq ashkarlap bergen.

Sherqiy Türkistan weziyitining muqimsiz bolushi hergizmu mustemlikichi Xitayning qoralliq basturush herketlirining ajiz bolup qalghanliqidin emes, belki del bu rayongha qaratqan qanliq we fashitsitik siyatining keng Uyghur xelqining naraziliqini qozghishidin bolghan. Sherqiy Türkistangha kelghen her bir Xitay merkizi hökümitidiki rehbarlerning Sherqiy Türkistanda emeliy mesilarni hel qilish üstide izdinishke tekshürüp tetqiq qilishqa emes, belki Sherqiy Türkistanning muqimliqini hemminng aldigha qoyushni, bu jaydiki eng muhim wezipining ijtimayi muqimliq we chégra mudapiesining bixeterlikini qoghdash ikenlikini tekitlewatqanliqidin shuni bileleymizki, bu jaydiki mustemlike siyasitining mahiyiti hergiz yéqin kelguside özgermeydu, yene kélip uzun bir mezgil dawamliship, bu zéminning esli igisi bolghan Uyghur xelqi Xitay köchmenlirige asmilatsiye bolup, Xitay merkizi hökümitige tehtit shekilllendürelmeydighan bolghuche, hem Xitayning heqiqiy menidiki zéminigha aylanghiche dawam étishi tebiy.