Uyghurlar Milliy Bölgünchimu ?

Kommunist Xitayning özining hörliki erkinliki musteqilliqni izdewatqan we buning üchün tinmay küresh qiliwatqan Uyghur xeqige yene bir sherepli nami”milliy bölgünchi”digegndin ibaret boldi. Gerche Sherqiy Türkistanda köp milletler arliship yashawatqan boldimu buraq bu ziminda heqiqiy hörük erkinlik telep qiliwatqini yenila bu zimining esli igisi bolghan Uyghur xelqidin ibaret bolmaqta. Shung ga kommunist Xitayning Sherqiy Türkistanda tarihtin buyan atap kéliwatqan “milliy bölgünchiler peqet Uyghur” xelqige qaritilghan.

Uyghur xelqining mustaqini hörlikini telep qilishtin ibaret bu heqqaniy telibi Xitay dairliri terpidin wehshiylerche qanliq basurup kélingen bolsimu biraq batur küreshchan Uyghur xelqining yillar dawamida mustamlikichi dairlerge bash eymey,erkinlik musteqilliq küreshlirni toxtitip qoymighanliqi we buni üzlüksiz kücheytip tereqiy qildurup kelgenliki Xitay mustemlikichi dairlirini we Xitay merkiziy hokumitini qattiq endishige sélip kelmekte.

Kommunist Xitay özining ustin herbiy we saqchi qatarliq diktatura apratlirgha tayinip, Sherqiy Türkistanda qolida qomurning suniqimu bolmighan Uyghur xelqining mustaqilliq erkinlik démokratiye telep qilishtin ibaret bu heqqaniy telibige tayaq toqmaq,miltiq zembirek bilen jawap berip keldi. Yéqinqi yillardin bu yan Xitay döletning emeliy küchining tereqqiy qilishigha egiship Xitayning Sherqiy Türkistanda Uyghur xelqige qaritilghan qanliq basturush, irqiy qirghinchiliq, milliy asmilatsiye qilish siyasiti téximu tézleshtürülgan asasta jiddiy élip bérilmaqta.

Undaqta Uyghur xelqi rastinla “milliy bölgünchi” mu? Xitay zéminida nurgun musteqilliq, millet we zémin dawasi qatarliq mesiller mewjut, meislen, Tibet mesilisi, ichiki Mongghul mesilisi, Taiwan mesilisi qatarliqlar. Mana bu mesillar izchil türde Xitayning béshini agritip kéliwatqan mesillerdur. Bu mesillerning tarixtin buyan hel bolmay kélishige del kommunist Xitay hakimiyitining bu zéminlerni yolsizliq bilen igelliwélishqa urunnup kelgenliki sewep bolghan. Uyghur xelqimu hem mustamlikige uchurap 60 yildin buyan izchil türde kommunist Xitayning zulumigha we ézishige uchrap keldi. Bundaq ehwalda Uyghur xelqining türlük shekillerde kommunist Xitayning mustamlikichilik siyasitige qarshi chiqishi we qarshi turushi bir heqqaniy ish bolup hésaplinidu. Biraq kommunist Xitay hakiyiti özing Uyghur xelqige séliwatqan zulumlirini we depsende qilish siyasitini eksiche ”kompartiyining illiqliqi we hökümetning xelqqe illiqliq yetküzüshi hem Sherqiy Türkistan xelqini kommunist tüzüm astida bexit sa'adetke érishtürüsh boldi” dep biljirlap, kommunist zulumdin qutulush yolda pidakarliq bilen küresh qilip, qarshiliq qiliwatqan milliy qahrimanlirimizni we erkinlik jengchilirimizni “milly bölgünchi dep jakarlapla qalmastin “milliy bölgünchi “ digen qalpani Uyghur xelqige biwaste qaritip, ”Uyghur” digen bu sözni “milliy bölgünchi” digen bu sözge menidash qilip qoydi. Sherqiy Türkistanda “milliy bölgünchi” digen bu söz tilgha élinishi bilenla kishiler “Uyghur”ni ésige aldighan boldi. Mana bular Xitay hökümétining Sherqiy Türkistanda we Xitayning ichikiri ölkiliride Uyghur xelqini “milliy bölgünchi”dep he'dep tashwiq qilghanliqining netijisi bolup hésaplinidu.

Nomussiz kommusit Xitay dairiliri Sherqiy Türkistanda qanliq mustemlikichilik siyasiti yürgüzwatqanliqini herqanche perdazlap körsetsimu biraq xelq'ara jemiyetni aldiyalimighandek, Uyghur xelqini herqanche “milliy bölgüchi”digen böhtanlarni we töhemetlerni artsimu biraq bular Uyghur xelqining Xitay mustamlikichiliri we qanunsiz Xitay köchmenlirini muqeddes Sherqiy Türkistan tupraqliridin qoghlap chiqirip, Sherqiy Türkistanni azat qilishtin ibaret bu iradisi we arzusini hergiz tosup qalalmaydu.