“Yette Qizlirim Yighlimaqta” Namliq Tenimidin Tughulghan Oylar

Yéqinda bir wetendiki bir tordishimiz Uyghur tor bétige tema yollap, yette qizlirim meqbérisining yerlik hokumet terpidin yaxshi qoghdalmay tashliwétilgenlikini uning hökümet terpidin héchqandaq köngül bölüshke érishelmigenlikini otturgha qoyup ötti. Ilgiri bir obdan bashquruliwatqan meqbirining bügünki künge kelgende mushundaq ehwalgha chüshüp qélishigha zadi nime sewep bodi? Nime üchün bu seyligah taqilip qaldu?

Wetendin kelghen uchurlargha qarighanda, bu yette qizlirim din ibaret bu meshhur seyligahning taqilip qélishigha Üchturpandiki melüm bir rehberning “bu digen eksil inqilapchilarning qebrisi, sirtqa échishqa bolmaydu” digen pétiwasi bilen taqilip qalghan. Kishining ishengüsi kelmeydighini, eyni chaghlarda döletning azsanliq milletlerning til yéziqi we mediniyitini qodash siyasiti astida qaytidin yéngilap chiqip sirtqa sayligah süppitide échiwétilgen bu jayning bügünki künge kelgende, partiye hökümet rehberliri terpidin “ eksil inqilapchilarning meqbirisi” digen quruq tohmet bilen étilip qélishi heqiheten ademning könglini qattiq yérim qildu we gezeplendürdu.

Kommunist Xitay hakimiyitining yürgüzüwatqan zulumliri yetmigendek emdi Uyghur xelqi yat milletlerning tajawuzchiliqi we xelqimiz üstidin zulum qanliq qirghinchiliq yürgüzüp kéliwatqan mustebit hakimiyetlerge qarshi baturlarche jeng qilip bu yolda qurban bolghan milly qahrimanlirimizni “eksil inqilapchi digen töhmet bilen qarlap, ularning shehnige dagh keltürüshi, Xitayning neqeder numussiz iplas qiyapitini yene bir qétim xelqi alemge ashkarlap béridu.

‘Yette qizlirim’ meqbirisining türlük böhtanlar bilen pechetlinip, asralmay eksiche tashliwétilishi bizghe kommunist Xitayning özi yaqturmaydighan herqandaq bir nersini meyli xalq qollisun yaki qarshi tursun choqum uni yoqitidighanliqini, xelqning qarshi turshigha qilche pisent qilmaydighanliqini hem shundaqla kommunist Xitaynng Sherqiy Türkistanda qurmaqchi bolghan atalmish” sotsiyalistik inaq jamiyet”ning emeliyette qipqizil bir aldamchiliq ikenlikini roshen délil ispatlar bilen ispatlap turuptu.

Wetnimiz Xitay mustamlikichilirining tömür tapini asida depsende boliwatqan bügünki künde kommunist Xitay hakimiyitining Uyghur helqining pexrilik oghlanlirini we tarihta otken qahriman qiz oghullirni “eksil inqilapchi, weten xaini we miliy bolgunchi, digendek xilmu xil tohmeteler bilen haqaretlep, ularning shenige dagh keltürüshke urunushi, Sherqiy Türkistanning ichi sirtida wetensizlikning éghir derdini tertiwatqan Uyghur xelqi üchün héchqandaq emeliy rol oyniyalmayla qalmastin ekische Uyghur helqining tarixta ötken Xitay mustemlikichilirning tajawuzi we istilasigha qarshi köresh qilip shanliq izlarni we ülgilerni qaldurup ketken qahrimanlirmiz gha bolghan hörmitimizni téximu ashurdu xalas.