Wang Lequan ”Su Bayliqini Ilmiy Échip Paydilinip, Muwapiq Teqsimlep, Imkaniyetlik Sijil Tereqiyatni Tayanch we Kapalet Bilen Teminlesh Kérek” didi

Tengritagh torining 5 - ayning 19 - kündiki xewirighe qarighanda, JKP merkiziy kommitit siyasi biyrusining ezasi, aptonum rayonluq partikomning reisi Wang Lequan 18 - may chüshtin burun Jong go qurulush akadimiyisining akadimikliri mutexesisliridin teshkinlengen ” Uyghur aptonum rayonning imkaniyetlik sijil tereqiyatidiki su bayliqi istiratigiyisige alaqidar tur guruppisi” dikiler bilen söhbetleshti we ularning pikirini anglidi.

Wang lequan yighinda ”su uyghur aptonum rayonning ijtimayi iqtisadiy ishlirining, imkaniyetlik sijil tereqiyatining muhim asasi we uni cheklep turwatqan muhim amil. biz döletning gherbiy rayonlarning suchuliq qatarliq muhim ul muessese qurulushini tézlitish yaxshi pursitini ching tutup, ilmiy pilanlap, su bayliqini yaxshi, muwapiq teqsimlep, su bayliqini tijep ishlitip, cheklik su bayliqidin unumluk baydilinip we uni paal qoghdap, muwapiq échip, su bayliqidin paydilinishni Uyghur aptonum rayonning iqtisadiy ijtimayi tereqiyati bilen maslashturup, tengpunglashturup, Uyghur aptonum rayonning yéngiche sanaetleshtürüsh qurulushi we imkaniyetlik sijil tereqiyatini tayanch we kapalet bilen teminlishimiz kérek” dep körsetken.

Hemmeylenge melum bolghinidek Sherqiy Türkistanning gherche yéri keng bolsimu biraq adam olturaqlishishqa mas kélidighan jaylar unche köp emes. Uyghur xelqi ata bowisidin tartip Shrqiy Türkistanning bostanliqlirida tirikchilik qilip yashap kelgen. Kommunist Xitay Sherqiy Türkistangha tajawuz qilip basturup kirgen 60 yildin buyan, Sherqiy Türkistanda adem olturaqlishishqa mas kélidighan jaylarning köp emesliki bilen hésaplashmay Sherqiy Türkistangha hedep köchen yötkesh siyasitini dawamlashtürüp keldi we buningdin kéyinmu uzaq bir mezghil ichide Xitay köchmenlirini Sherqiy Türkistangha yötkeshtin ibaret bu rezil qilmishini dawamlashturdighanliqidin bisharet bermekte. Biraq” kiselni yoshursang ölüm ashkara” dighendek, Sherqiy Türkistanning emeliy jughrapiyilik shert sharaitliri we muhiti bilen qilche hisaplashmay yürgüzüzgen bu xata siyasettin payda bolghan su bayliqi israp bolush, su bayliqi qis bolush mesilisi Sherqiy Türkistanning hemme jaylirida barghanséri ghawdilenmekte. Sherqiy Türkistanda su mesilisi nöwette Xitay mustemlikichi hakimiyiti Sherqiy Türkistanda jiddiy hel qilmisa bolmaydighan texirsiz mesilighe aylinip qalmaqta.