Maralbéshi Nahiyiside “Qanun Intizamgha Angliq Riaye Qilip Ténch - aman Maralbéshi Qurayli” digen Témida Teshwiqat Meslihet Bérish Paaliyiti Ötküzdi

Tengritagh torining 5 - ayning 18 - kündiki süretlik xewirige qarighanda, ilmiy tereqiyat qarishini chongqur ügünüsh we uni emeliy körsitish paaliyitide, emeliy ünümni qolgha keltürüsh üchün, Maralbéshi nahiyilik xelq teptish mehkimisidiki qanun ijra qilghuchi xadimlar yéqinda nahiyilik tutup turush ornigha bérip,”qanun intizamgha angliq riaye qilip, ténch bixeter Maralbéshi qurayli” digen témida teshwiqat we meslihet bérish paaliyitini qanat yaydurghan. Ular bu yerge toghqan yoqlighili kelgen ammigha “Xitay xelq jumhuryitining turma qanuni,” jinayi ishlar dawa qanuni ”Uyghur aptonum rayonning “solaqxana nizami” qatarliqlarni teshwiq qilip, ularning qanun tüzüm éngini yuquri kötürdi diyilgen.

Bu xewerdin körüwélish tes emeski Xitay Sherqiy Türkistanning jenobiy rayonlirda Uyghur xelqige séliwatqan zulumlirini we Uyghur xelqige qarita élip bériwatqan basturush siyasitini kücheytipla qalmastin yene Uyghur xelqige bolgan mustamlikichilik siyasitini namda bar emelde yoq qanunlar arqiliq pedezlep körsitip, Uyghur xelqining qarshiliq herketlirini suslashturmaqchi bolghan. Sherqiy Türkistandiki herxil jinayi ishlar qanuni we nizamlar Uyghur xelqini basturush üchün xizmet qildu. Kommunist Xitay Sherqiy Türkistangha qanunsiz halda basturup kirip, ana wetinimiz Sherqiy Türkistanni özning mustemlikisge aylandurwalghan. Shuningidn étibaren Uyhur xelqining kommunist Xitay hökümranliqigha bolghan qarshiliq herketliri izchil dawamliship keldi. Bolupmu Sherqiy Türkistanning Uyghurlar bir qeder zich topliship olturaqlashqan jenobiy rayonlirida qarshiliq körsitish herketliri bir qeder gewdilik bolup, Xitay mustamlikichi dairliri, bu rayonlarda Uyghur xelqining qarshiliq herketlirni qanliq basturshni dawamlshturush bilen bir waqitta yerlik xelqqe bolghan atalmish ”qanun tüzüm éngini kücheytish” teshwiqat paaliyetlirini küchep élip barmaqta.

Nöwette Sherqiy Türkistaning herqaysi jayliridiki türmilerde yétiwatqanlarning köpinchisi yanila Uyghur mehbuslar bolmaqta, öz wetining azatliqi, hörliki üchün köresh qilip, Xitay mustemlikichi dairliri terpidin türlük siyasi jinayetler bilen türmige qamalghan hem, ashkara we mexpiy türde ölümge borulup öliwatqan Uyghurlarning sani shundaq köp. Xitay gerche döletni qanun tüzüm bilen idare qilish toghurluq dawrang salsimu biraq bu ehwal Sherqiy Türkistanda uning eksiche bolup, siyasi her daim qanunning üstide turidu. Bundaq ehwalda Sherqiy Türkistanda nurghunlighan bigunah kishilarning xilmu - xil töhmet we bahane sewepler bilen türmilargha qamilishi hem mexpiy türde ziyankeshlikke uchrap ölüp kétishi tebiy bir ehwal alwette.

Xitay mustemlikichi dairliri Sherqiy Türkistanda meyli qandaq shekildiki qanun tüzüm teshwiqat paaliyetlirni élip barsun, buning mustamlikichilik siyasiti astida yashap, kommunist Xitayning éghir azap oqubetlirni tartiwatqan Uyghur xelqining hürlük azatliq köreshlirini we bu yolda bésiwatqan qedemlirini hergiz tosup qalalmaydu.