Wanglequan ” Yida Gorohi Mudiryitining Muawin Reisi Qiketao we Uning Hemrahliri Bilen Körüshti

Tengri tagh torining 5 - ayning 18 - kündiki xewirige asaslanghanda ,JKP merkizi kommutit siyasi biyrusining ezasi, Uyghur aptonum rayonluq partikomning shujisi Wang lequan 17 - may kechte Hongkong Yida gorohi mudiryitining muawin reisi bash ijraiye emeldari Qiketao we uning hemrahliri bilen körüshti.

Körüshüshte Wang lequan ”Yida gorohi dölet halqighan, dunyagha tonulghan kiyim - kéchek sherkiti, mezkur shirket köp yillardin buyan Uyghur aptonum rayonning süpetlik paxtisigha tayinip, toqumchiliqni küchep rawajlandürüp, qoshulma qimmiti yuquri mehsulatlarni ishlep chiqirip, mükemmel kesip zenjiri shekillendürdi. Bu Uyghur aptonum rayonning paxta toqumchiliqining tereqiyat sewyisini östürüshte türtkilik rol oynapla qalmastin, déhqanlarning paxtidin qilghan kirimini köpeytishkimu türtke boldi. Xelq'are pul muamile kirzisi paxta toqumchiliq sahesige xéli zor tesir körsetti. Aptonum rayon Yida gorohini ilgirkidekla qollap, mezkur karxanining qiyinchiliq we mesillerni hel qilishigha yardem béridu” digen.

Uyghur aptonum rayonning bash shujisi Wang lequan ichkiri ölkiler we Taiwan Hongkong qatarliq jaylardin kelgen karxana gorohlarni Uyghur aptonum rayonigha meblegh sélishqa we meblegh salghan karxana gorohlargha her jehettin qollap quwetleydighanliqini bildürüp kelmekte. Hem buning Uyghur aptonum rayonidiki her rmillet xelq ammisigha köp menpet élip kelgenlikini toxtimay otturgha qoymaqta. Undaqta Sherqiy Türkistan xelqi rastinla bulardin heqiqiy türde menpetlendimu? Jawap birla, u bolsimu ”yaq”. Heqiqiy menpetke érishwatqini yenila Xitay köchmenliri we mustamlikichi hakimiyettin ibaret. Uyghur xelqi bu xil iqsadiy menpet chembirining sirtida qaldurulghan. Buninggha Uyghur xelqining köplep ishsiz qélish we köp sandiki Uyghur xelqining namratliq we acharchiliq ichide yashawatqanliqi küchlük pakit bolalaydu. Sherqiy Türkistangha nezer saldighan bolsaq, Uyghur xelqi topliship olturaqlashqan rayonlarning herqaysi jehetlerde nisbeten qalaq we arqida qalghan qiyapiti bilen Xitay köchmenliri topliship olturaqlashqan rayonlar tereqiy qilghan we ishlepchiqirish küchliri bir qeder rawajalnghan qityapiti nahayiti roshen körelaymiz. Mana bular Xitay mustemlikichi hakimiyitining hergizmu éytip ötkinidek her millet xelqining menpeti emes belki Uyghur diyarigha türkümlep kéliwatqan we alliburun kélip yerlishiwalghan Xitay köchmenlirining tüp menpetini chiqish qildighanliqini polattek pakitlar bilen ispatlap turmaqta.