Sherqiy Türkistanda Qedimqi Xitayche Usluptiki Binalar Barghanseri Köpeymekte

Sürette: Ulughchat nahyesidin bir körünüsh

Sherqiy Türkistanda yéqindin béri, qedimqi Xitayche uslubtiki binalar zor türkümde köpüyishke bashlighan. Bularning hemmisi qedimqi Xitay uslubigha teqlid qilinip yéngidin sélin'ghan bolup, hemmisila Xitay mediniyetini eks ettürüshni meqsed qilghan.
Hazirgha qeder Sherqiy Türkistandiki Uyghurlargha ait qedimi qewirilerning qézilip Beijinggha élip ketilishi, uning ornigha Xitayning ichki ölkilliridin tepilghan Xitay jesetlirining yötkep qoyulishi, hetta u qewrilerge “ tariximizni qoghdap, wetenni güllendureyli” digendek chong xetlerning yézip qoyulishi Xitay hökümetining Sherqiy Türkistandiki mustemlikichiligini yoshurushqa urunup kéliwatqan nomussiz mahiyitini ashkarilap kelgen idi. Emdi bolsa Qeshqer Kona Sheher digendek Uyghurlarning qedimi binakarliq we yadikarliqliri saqlanghan qurulushlarning pütünley weyran qilinip we chéqip tashlinip, ornigha yéngi binalarni sélish bilenla toxtap qalmay, Xitay mediniyetini eks ettüridighan derwaza qowuqlarning ornitilishi we Xitay uslubidiki binalarning sélinishi, Xitay hökümetining Uyghur mediniyet wa tarishini pütünley yoq qilip, Sherqiy Türkistandin ibaret bu zéminni ezeldin Xitay zémini qilip körsütüshke qanchilik derijide küchewatqanlighining yene bir ispati bolup meydangha chiqti. Xitay hökümning buxil ökteme siyasiti yerlik Uyghurlarni qattiq ghezeplendürdi.