Xitay Communist Partiyisige Sadiq Uyghur Kadirlarni Köplep Yétishtürüsh, Xitay Hökümétining Uyghurlarning Erkinligini Basturushtiki Muhim Qorali Süpitide Élip Bérilmaqta

Xinhua torining mushu ayning 4 – küni xewer qilishiche, Xitay höküméti Sherqiy Türkistanda köplep Uyghur kadirlarni yétishturushke bashlighan. Eslide Uyghur we Sherqiy Türkistandiki az sanliq millet kadirliri qoushulup, Sherqiy Türkistandiki hökümet kadirlirining 40% ni igelleydighan bolup, bu yil Xitay höküméti alahide qarar élip terbiylengen kadirlarni 64% ge yetkuzgen. Xewerde éytilishiche, terbiye kürsigha ewetilgen kadirlar mexsus bolgunchilkke qarshi turush, uch xil kuchlerge zerbe bérish, Xitay hökümétige qarshi herqandaq idiyelerge qarshi herket élip bérish we Xitay communist partiyisi bilen ayrilmas bir meydanda turush nezeriyési bilen terbiylinidiken. Xitay höküméti, her xil piker erkinliklirini boghush we zulumgha qarshi herketlerni basturushni dölet térorlughi yürgüzüsh arqiliq basturush bilenla cheklinip qalmay, belki ideologiye urushi qozghash arqiliq uzun yillardin béri basturup kéliwatqan bolup, qabiliyetsiz lekin Xitay communist partiyisige sadiq, Uyghur xelqi tartiwatqan zulumlarni chüshenmeydighan Uyghur kadirlarni yétishtürüsh, bir tereptin, Uyghurlargha qaritilghan öz goshini öz yéghida qorush siyasiti bolsa, yene bir tereptin xelqara jemiyetke Sherqiy Türkistangha bérilgen aptonomiye hoquqini koz koz qilish üchün qolliniwatqan taktika bolup, Xitay communist partiyisining menpetige wekillik qilidighan bu kadirlarning Uyghurlarning menpeetige wekillik qilalishi mumkin emes.