Information Merkizimiz Pakistan Hökümétining Toqquz Uyghurni Xitaygha Qayturghanlighini Qattiq Eyipleydu

Merkizimiz Pakistanda qolgha élin'ghan toqquz neper Uyghur erkinlik jengchillirining Pakistan höküméti teripidin Xitaygha qayturulghanlighini qattiq eyipleydu, hemde Pakistan hökümétini bundin kéyin bu xil staqinliq herkiti bilen shughullanmasliqqa chaqiridu.

“ Uyghurlarning Taliban qoshunliri ichidin tépilip qélishi dunyagha intayin xata bir messaj bermekte. Emiliyette Uyghurlar gherpning düshmini emes, Uyghurlarning düshmini peqet Xitay höküméti. Uyghurlaning Al Qaida bilenmu héchqandaq alaqisi yoq. Ularning u yerge bérip qélishigha Xitay hökümétining zulumliri mejbur qilghan bolup, amalsiz qalghan Uyghurlar dunyaning bashqa héchqandaq yéridin yardemge érishelmigendin kéyin, jan saqlash we herbi meshiq qilishni qolgha keltürüsh üchün Taliban küchlirining yardimini qobul qilishqa mejbur qalghan. ” Merkizimiz reisi Abdujelil Karakash. Information merkizimiz Xitayning pat yéqindila qayturulghan Uyghurlagha ölüm jazasi béridighanlighini jezimleshtüridu, shundaqla buning peqet Uyghurlarni ghezeplendürüp weziyetni keskinleshtürüshtin bashqa role oynimaydighanlighigha ishinidu” dédi.

“Xitay höküméti özining küchlük dölet bolishigha qarita ish qilip, abroyini saqlap, qayturulghan Uyghurlargha adil sot échishi kérek” deydu merkizimiz wekilliridin biri merkezimizge wakaliten ipade bildürüp, Information merkizimiz Pakistan hökümétining toxu yüreklik qilip, Xitaygha yaxshichaq bolush üchün toqquz Uyghur erkinlik jengchisini Xitaygha qayturup bergenligni qattiq eyipleydu, Pakistan hökümétining bu qilmishi xelqara qanunda belgulengen, herqandaq bir dölet herqandaq bir insanni ölüm jazasi we qiyin qistaqqa uchrishi mumkin bolghan döletke qayturmaslighi kérek digen belgilimige pütünley xilap! Biz xelqara jemiyetning Pakistan hökümétining bu qilmishini qattiq eyiplishini we Xitay hökümtige bésim ishlitip Xitay hökümétini öz küchini adem öltürüsh we qiyin qistaqqa élishtek nomussiz küreshke ishletmeslikke chaqirishini telep qilimiz.