|
Uchur we Tehlil
1) Sherqiy Türkistan Ixtisadi Xitay Shexslirining
Monopollighigha Ötti
2009 – yilning birinchi peslide, Sherqiy Türkistangha yerleshken altun, néft
qézish shirketliri we issiqliq énérgiye shirketliri qatarliq Xitay we chetel
shirketliri jemi 192 din artuq bolup, buning ichide Xitay sherketliri 168
iken. Buninghdin bashqa Xitay kömür kan sherketliri, ushshaq we top sétish
sherketliri, déhqanchiliq charwuchiliq mehsulatliri sherketliri, yer öy
sodisi sherketliri we baka pul muamile sherketliridin ibaret nahayiti köp
Xitay sherketliri Sherqiy Türkistangha yerleshken bolup, bu Sherqiy
Türkistan ixtisadining Xitay hökümétining qolidin shexsi Xitaylargha ötküzüp
bérilgenligini Xitay kapitalistlirining Sherqiy Türkistanning ihtisadini
pütünley monopol qiliwatqanlighini körsetmekte.
2) Ürümchide Diniy we Siyasi Tus Alghan Kitaplar
Köydürüldi
Information merkizimizning Ürümchidin biwaste igellishiche 4 - ayning 23 -
küni atalmish Xinjiang Uyghur Aptonom rayoni parti commitéti we teshwiqat
bölümi birlikte herket élip bérip 668214 parchidin artuq qanunsiz dep
qaralghan kitap we un alghu sin alghu lentillirini köydürgen. Köydürülgen
matériyallarning ichide bir qisim sérq teshwiqat matériyalliridin bashqa
köpligen diniy we siyasi kitaplar bar bolup, Xiaty höküméti köydürülgen
teshwiqat matériyallirini qanunsiz tarqitilghan, siyasi idiyiwilerni yeni
bölgünchilikni shundaqla Xitay communistik partiyesining menpeétige uyghun
bolmighan Islam diniy eqidillirini teshwiq qilghan dep éyipligen.
3) Xitay Höküméti Amerekining Dalay Lamani
Qollimaslighini Telep Qilip Naraziliq Bildürmekte
 AP
ning 4 - ayning 23 - küni xewer qilishiche, gerche Dlalay Lama Tibetlerning
insan heq hoquqlirini telep qiliwatqan bolsimu, Xitay höküméti uni bölgünchi
we eng axirida musteqqilliq mexsidige yetmekchi dep eyiplep, Amerika
hökümétining uning bölgünchilik paaliyetlirige yer hazirlap bermesligini we
President Obamaning uning bilen körüshmesligini telep qilip naraziliq
bildürmekte.
President Obamaning Dlalay Lama bilen körüshidighan körüshmeydighanlighi
téxi éniq békitilmigen bolsimu Xitay höküméti aldin ala tére taraqshitishqa
bashlighan. Amerikining buningha qandaq pozitsiye tutidighanlighi téxi
ashkarilanmighan bolsimu, emma Xitayning yolsiz tekliwige könmeydighanlighi
éniq. Chünki bu Xitay hökümétining kona taktékisi bolup, ezeldin Dlay Lama
ziyaret qilmaqchi bolghan döletlerning hemmisige bésim chüshürüp kelgen.
Emma héchbiri emelge ashmighan idi. Lekin bu qétim Xitay dunyawi ixtisadi
kirizsitiki munasiwetliridin paydilinip melum unumge érishishni mexset
qilmaqta
|
