Uchur we Tehlil

1) Boran Apiti Sherqiy Türkistandiki Adettiki apetlerning birsi bolup qalmaqta

Mushu ayhning 7 - küni kech saet 19:00 din ashqanda Ürümchide qattiq boran chiqip élan tahtillirini uchurup kochidiki ademlerni yarilandurghan, kochilardiki yaymichilar we ashhanilarning ustel orunduqlirini orup weyran qilghan, kochida adem mengishqimu mumkin bolmay qalghan. Boranning derijisi 4 baldin 5 balghiche bolup, boran apiti hazir Sherqiy Türkistandiki adettiki apetlerning birige aylinip qalghan. Xitay mustemlikichi köchmenlirining Sherqiy Türkistan muhitini éghir derijide bulghishi we yer bayliqlirini talan - taraj qilishi bilen, ecologiyilik tengpungluqning buzulghanlighidin kélip chiqiwatqan yer tewresh, qurghaqchiliq, möldür, shiwirghan, kelkün apetliri gerche kündin - künge éghir derijide köpüyüp kétiwatqan bolsimu, lékin boran apiti hemmini bésip chüshidighan we dawamliq yüz bérip turidighan kündülük apetlerning birige aylinip qaldi.

2) Tarim Neftlighi Shiddet Bilen Talan - taraj Qilinmaqta

Xitay metbuatliridin melum bolushiche, Xitay höküméti Tarim néfitlighidin yiligha alidighan néftni, 2020 - yiligha kelgende 50 milyart tonnigha, tebi gazni bolsa 50 milyon tonnigha yetküzüshni pilanlighan bolup, Tarim oymanlighida 27 gaz menbesi barlighi we jemi tebi gas miqdari 30 milyart tonna ikenligi bayqalghan. hazir yiligha 4 milyart tonnidin artuq gas ishlepchiqiridiken we bu gaz menbeeliri nöwette Xitay boyiche eng chong gas ishlepchiqirsh bazisigha aylanghan. Mushu boyiche hisaplighanda Xitay höküméti Tarim oymanlighidiki tebi gazni 7, 8 yil ichide pütünley qézip, Xitay ölkillirige toshup qurutup bolidiken.

3) Xitayda Ishchilarning Naraziliq Namayishliri Kündin - künge ulghaymaqta

Xinhua agentlighining xewer qilishiche Hebei ölkisining Baoding shehiridin nechche minglighan ishchilar, ishtin boshitilghanlighi we toqumichiliq zawutliri teripidin bérilidighan kapalet pulining tölenmigenligini erz qilish üchün chong tiptiki namayish élip bérip 4 - ayning 3 - küni Baodingdin Beijinghga qarap yolgha chiqqan. Namayishchilar topini basturush üchün türküm türkümlep saqchilar kochilargha tizilghan. Emma namayishchilarning köpünchisi, yerlik emeldarlar teripidin quruq wede shundaqla tehdid sélinish arqiliq keynige qayturulghan, emma zawutning ishchilargha qilghan heqsizliqliri bolsa bir terep qilinmay tashlap qoyulghan. Hazirghiche, bu ishchilardin zadi qanche neper ishchining piyade Beijinggha erz qilish üchün yétip kélish sepirini tamamlap öz derdini anglitish we qayil qilarliq jawapqa érishelesh mumkinchiligi éniq emes.